ភ្នំពេញ ៖ ពលករខ្មែរម្នាក់ ដែលកំពុងធ្វើការងារនៅប្រទេសថៃ ត្រូវបានចាប់ខ្លួន កាលពីរសៀថ្ងៃទី០២ ខែឧសភា ពីបទមនុស្សឃាត ដោយចេតនាទៅលើពលករខ្មែរម្នាក់។ នេះបើយោតាមការចុះផ្សាយដោយគេហទំព័រអគ្គស្នងការដ្ឋាននគរបាលជាតិ នៅថ្ងៃទី០៣ ខែឧសភានេះ។
តាមគេហទំព័រដដែល ជនសង្ស័យមានឈ្មោះថា ពៅ សីហា ភេទប្រុស អាយុ ២៨ឆ្នាំ ជាពលរដ្ឋខ្មែរធ្វើការនៅប្រទេសថៃ ។ បុរសរូបនេះ បានប្រព្រឹត្ដអំពើមនុស្សឃាតទៅលើបុរសម្នាក់មានឈ្មោះ ចេង រ៉ាក់ ភេទប្រុស អាយុ ២៧ឆ្នាំ មានស្រុកកំណើតនៅខេត្ដកំពង់ឆ្នាំ។ ជនសង្ស័យ ពៅ សីហា បានធ្វើសកម្មភាពមនុស្សឃាតដោយចេតនា ទៅលើជនរងគ្រោះ ចេង រ៉ាក់ នៅវេលាម៉ោង ៩កន្លះ យប់ ថ្ងៃទី០១ ខែឧសភា។ បន្ទាប់ពីធ្វើសកម្មភាព ជនសង្ស័យរូបនេះ បានរត់គេចខ្លួន។ លុះដល់ថ្ងៃទី០២ ខែឧសភា ក៏ត្រូវសមត្ថកិច្ចថៃឃាត់ខ្លួនបានតែម្ដង៕
