ភ្នំពេញ៖ គ្រឹះស្ថានអង្គរទទួលបានចំណូលជាង ៤៨ លានដុល្លារពីការលក់សំបុត្រចូលទស្សនាប្រាសាទអង្គរវត្តក្នុងរយៈពេល ៤ ខែ ដើមឆ្នាំ ២០១៨នេះ។
បើយោងតាមសេចក្តីប្រកាសព័ត៌មានរបស់គ្រឹះស្ថានអង្គរផ្សព្វផ្សាយនៅថ្ងៃទី ១ ខែ ឧសភានេះ ឲ្យដឹងថា ភ្ញៀវទេសចរបរទេសទិញប័ណ្ណចូលទស្សនារមណីដ្ឋានអង្គរជាង ១ លាននាក់និងទទួលបានចំណូលជាង ៤៨ លានដុល្លារ។
ភ្ញៀវទេសចរបរទេសទិញប័ណ្ណចូលទស្សនារមណីដ្ឋានអង្គរកើនឡើង ១១,១៧ ភាគរយ ហើយចំណូលពីការលក់សំបុត្រកើនឡើង ២២, ៩៤ ភាគរយ បើធៀបនឹងរយៈពេលដូចគ្នាកាលពីឆ្នាំ២០១៧។
កាលពីឆ្នាំ ២០១៧ អង្គវត្តរកប្រាក់ចំណូលបាន ១០៧ លានដុល្លារ កើនឡើង៧២ ភាគរយ ហើយប្រាសាទអង្គវត្តទទួលស្វាគមន៍ភ្ញៀវទេសចរជាង ២ លាន ៤ សែននាក់ កើនឡើង ១១, ៨២ ភាគរយ៕
