ភ្នំពេញ៖ សម្តេចនាយករដ្ឋមន្រ្តី ហ៊ុន សែន នឹងដឹកនំាគណៈប្រតិភូជាន់ខ្ពស់កម្ពុជាអញ្ជើញចូលរួមកិច្ចប្រជុំកំពូលអាស៊ានលើកទី៣២ នៅប្រទេសសឹង្ហបុរី នៅចុងខែមេសានេះ។
កិច្ចប្រជុំកំពូលនឹងប្រព្រឹត្តទៅចាប់ពីថ្ងៃទី ២៧ ដល់ថ្ងៃទី ២៨ មេសា ឆ្នំា ២០១៨ ដែលធ្វើឡើងតាមការអញ្ចើញរបស់លោកនាយករដ្ឋមន្រ្តីសាធារណរដ្ឋសឹង្ហបុរី លី សៀន ឡុង។
កិច្ចប្រជុំកំពូលអាស៊ានឆ្នំានេះក្រោមប្រធានបទ «ភាពរឹងមំា និងនវានុវត្តន៍របស់អាស៊ាន» ដែលនឹងឆ្លុះបញ្ចំាងនូវអភិក្រមដែលប្រកាន់យក ដើម្បីរក្សាសារៈជំនឿទុកចិត្តក្នុងការថែរក្សា និងលើកកម្ពស់សនិ្តភាព ស្ថិរភាព និងវិបុលភាព។
ជាមួយគ្នានេះថ្នាក់ដឹកនំានៃសមាជិកអាស៊ាននឹងជួបពិភាក្សាផ្លាស់ប្តូរទស្សនៈស្តីពីការកសាងភាពរឹងមំា និងនវានុវត្តន៍របស់អាស៊ាន ការបង្កើតបណ្តាញទីក្រុងឆ្លាតអាស៊ាន រួមទំាងកិច្ចសហប្រតិបត្តិការសន្តិសុខតាមប្រព័ន្ធអ៊ីនធឺណិត ទំនាក់ទំនងក្រៅតំបន់អាស៊ាន និងទិសដៅអនាគត ព្រមទំាងបញ្ហាក្នុងតំបន់ និងអន្តរជាតិ។
ក្នុងកិច្ចប្រជុំនេះ សម្តេចនាយករដ្ឋមន្រ្តី ហ៊ុន សែន នឹងជួបពិភាក្សាកាារងារទ្វេភាគីជាមួយថ្នាក់ដឹកនំារបស់ប្រទេសអាស៊ានមួយចំនួនផងដែរ៕
