កំណត់ហេតុពិភពលោក (Guinness World Records ) បានទទួលស្គាល់ជាផ្លូវការលោក Masazo Nonaka ជនជាតិជប៉ុនដែលមានអាយុ១១២ឆ្នាំ ជាមនុស្ស មានអាយុវែងជាងគេ នៅលើពិពភពលោក។
បណ្ដាញផ្សាយព័ត៌មានជប៉ុន NHK បានចុះផ្សាយនៅថ្ងៃពុធទី១១មេសានេះថា លោក Masazo Nonaka រស់នៅលើកោះ Hokkaido ស្ថិតនៅភាគឥសានប្រទេសជប៉ុន។
បុរសអាយុដ៍វែងនេះបានទទួលលិខិតរបស់កំណត់ហេតុពិភពលោក នៅផ្ទុះរបស់គាត់នៅក្រុង Ashoro នៃកោះ Hokkaido ។ បុរសនេះ កើតនៅថ្ងៃទី២៥កក្កដា ឆ្នាំ១៩០៥។បុរសនេះ ធ្លាប់ធ្វើជា ប្រធាន ឧទ្យានជាតិ Akan-Mashu។ តាមប្រភពដដែល បុរសអាយុជាង ១១០ឆ្នាំនេះ បានអាន សារព័ត៌មានជារៀងរាល់ថ្ងៃ។
ជនជាតិជប៉ុនត្រូវបានកត់សំគាល់ថា ជាជាតិសាសន៍មួយមានអាយុច្រើនជាងគេ នៅលើពិភព លោក។ មនុស្ស ដែលអាយុវែងដូចលោក Nonaka ច្រើនតែទទួលទានសាច់ត្រីធម្មជាតិជាពិសេស ត្រីសមុទ្រ៕
