យោងតាមរបាយការពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី០៩ ខែមេសា ឆ្នាំ២០១៨ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១០លើកបណ្តាលឲ្យមនុស្សស្លាប់ចំនួន ៨នាក់(ស្រី២នាក់) រងរបួសធ្ងន់ ៩នាក់(ប្រុស) របួសស្រាល ៣នាក់(ប្រុស) មិនពាក់ពួកសុវត្ថិភាពេលគ្រោះថ្នាក់ ៩នាក់។
នៅក្នុងករណីគ្រោះថ្នាក់ចរាចរណ៍ទាំង ១០លើកនេះ បានបង្កឲ្យមានការខូចខាតយានយន្តសរុប ១៨គ្រឿង ក្នុងនោះមានម៉ូតូ ១២គ្រឿង រថយន្តតូច ៥គ្រឿង រថយន្តធំ ១គ្រឿង ។
របាយការណ៍ខាងលើឲ្យដឹងបន្តថា មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរា ចរណ៍ គឺ បណ្តាលមកពីល្បឿន ៣លើក(ស្លាប់៥នាក់) មិនគោរពសិទ្ធិ ៣លើក(ស្លាប់១នាក់) ប្រជែង ១លើក បត់គ្រោះថ្នាក់ ២លើក(ស្លាប់ ១នាក់) ស្រវឹង ១លើក(ស្លាប់១នាក់) ។
ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តព្រះសីហនុ ១លើក ស្លាប់ ៣នាក់ របួស២នាក់, ព្រៃវែង ១លើក ស្លាប់១នាក់, កោះកុង ១លើក ស្លាប់១នាក់, បន្ទាយមានជ័យ ៣លើក ស្លាប់១នាក់(ស្រី) របួស៦នាក់, រតនគិរី ១លើក ស្លាប់១នាក់(ស្រី) របួស១នាក់ និងខេត្តសៀមរាប ១លើក ស្លាប់១នាក់ របួស១នាក់ ។
គួរបញ្ជាក់ដែរថា តាមរបាយការណ៍គ្រោះថ្នាក់ចរាចរណ៍ផ្លូវគោកទូទាំងប្រទេស រយៈពេល ៩ថ្ងៃ ចាប់គិតពីថ្ងៃទី០១ ដល់ ថ្ងៃទី០៩ ខែមេសា ឆ្នាំ២០១៨ កើតឡើងចំនួន ៨២លើក បណ្តាលឲ្យមនុស្សស្លាប់ចំនួន ៤៥នាក់ របួសសរុប ១០១នាក់ របួសធ្ងន់ ៦៧នាក់ របួសស្រាល ៣៤នាក់ ៕
