តុលាការព្រហ្មទណ្ឌអន្តរជាតិ ICJ ដែលមានមូលដ្ឋាននៅទីក្រុងឡាអេប្រទេសហូឡង់ នឹងបើកសវនាការជាសាធារណៈ នៅខែ មិថុនា ឆ្នាំ ២០១៨លើសំណុំរឿងចំនួន២ ដែលម៉ាឡេស៊ីបានប្ដឹងសិង្ហបុរី ករណី រលោភយកដែនទឹករបស់ខ្លួននៅតំបន់ Pedra Branca ។
មន្រ្តីតុលាការ ICJ បាននិយាយកាលពីថ្ងៃព្រស្បតិ៍ទី ៥មេសាថា សំណុំរឿងដំបូង ដែលម៉ាឡេស៊ីបានប្ដឹង គឺសុំអោយទុកជាមោឃៈ សេចក្ដីសម្រេចរបស់ ICJ កាលពីឆ្នាំ២០០៨ដែលផ្ដល់សិទ្ធិទៅអោយសិង្ហបុរីគ្រប់គ្រង ដែនទឹកនៅតំបន់ Pedra Branca ។
ក្នុងសំណុំរឿងនេះ ICJ នឹងបើកសវនាការរយៈពេលបួនថ្ងៃដោយចាប់ផ្ដើមពីថ្ងៃទី ១១មិថុនា។ ចំណែកសំណុំរឿងទីពីរដែលម៉ាឡេស៊ីប្ដឹងសុំបកស្រាយសាលក្រម ត្រូវចាប់ផ្ដើមពីរដំណាក់កាល គឺពីថ្ងៃទី ១៨ ដល់ថ្ងៃទី ១៩ម្ដង ហើយពីថ្ងៃទី ២១ ដល់ថ្ងៃទី ២២ម្ដងទៀត។
តាមបណ្ដាញផ្សាយព័ត៌មាន Channel News Asia ម៉ាឡេស៊ីបានប្ដឹងទៅកាន់ ICJ នៅខែ កុម្ភៈ ឆ្នាំ ២០១៧៕
