គេហទំព័ររបស់អគ្គស្នងការដ្ឋាននគរបាលជាតិនៅថ្ងៃនេះបានឱ្យដឹងថា កាលពីថ្ងៃទី ១៤ ខែកុម្ភៈ ឆ្នាំ២០១៨ តម្រួតថៃចាប់ឃាត់ខ្លួនប្រជាពលរដ្ឋខ្មែរ ១នាក់ ពីបទដឹកជញ្ជូនឈើគ្រញូងពីប្រទេសថៃ ចូលមកកម្ពុជា។
តាមគេហទំព័រដដែលនេះ ក្រៅពីជនជាតិខ្មែរដែលត្រូវបានតម្រួតថៃឃាត់ខ្លួន ក្នុងនោះក៏មានជនជាតិថៃ ១រូប ដែលជាអ្នកបើកបររថយន្តហើយត្រូវបានឃាត់ខ្លួនផងដែរ។
គួរបញ្ជាក់ផងដែរថា ពលរដ្ឋខ្មែរដែលត្រូវបានតម្រួតថៃឃាត់ខ្លួនមានឈ្មោះ ង៉ែត ស្រីធា ភេទស្រី អាយុ ៤៧ ឆ្នាំ រស់នៅភូមិគិរីមង្គល សង្កាត់អូរស្មាច់ ក្រុងសំរោង ខេត្តឧត្តរមានជ័យ ៕
