សហភាពអឺរ៉ុបបានកោះអញ្ជើញរដ្ឋមន្រ្ដីការបរទេសអ៊ីរ៉ង់មកបំភ្លឺជុំវិញការបង្រ្កាបដ៏ឃោរឃៅទៅលើបាតុករប្រឆាំងរដ្ឋាភិបាលនៅរយៈពេលថ្មីៗនេះ។
រដ្ឋមន្រ្ដីការបរទេសអាល្លឺមង់ Sigmar Gabriel បាននិយាយថា ប្រមុខការទូតសហភាពអឺរ៉ុបលោកស្រី Federica Mogherini បានយល់ព្រមអោយលោករដ្ឋមន្រ្ដីការបរទេសអ៊ីរ៉ង់ មកកាន់សហភាពអឺរ៉ុបនៅសប្ដាហ៍ក្រោយដើម្បីចោទសួររឿងនេះ។
សហភាពអឺរ៉ុបបានប្រើប្រាស់សិទ្ធិរបស់ខ្លួនដូចនេះ បន្ទាប់ពីសហរដ្ឋអាមេរិកបានរិៈគន់សហភាពអឺរ៉ុបថា ធ្វើព្រងើយកន្ដើយចំពោះការរំលោភសិទ្ធិមនុស្សយ៉ាងធ្ងន់ធ្ងរនៅអ៊ីរ៉ង់។
នៅក្នុងការធ្វើបាតុកម្មប៉ុន្មានថ្ងៃមកនេះ យ៉ាងតិចបាតុករជាង ២០នាក់ត្រូវបានសម្លាប់ និងយ៉ាងតិច ៥០០នាក់ត្រូវបានចាប់ខ្លួន។
បាតុកម្មបានផ្ទុះឡើងនៅប្រទេសអ៊ីរ៉ង់គឺដោយសារតែប្រជាជនរបស់ប្រទេសនេះ ឬទាមទារឱ្យរដ្ឋាភិបាលកែទម្រង់ការដឹកនាំសេដ្ឋកិច្ចឡើងវិញ ព្រោះតែកំណើនសេដ្ឋកិច្ចរបស់ប្រទេសនេះចុះថមថយជាខ្លាំង ហើយធ្វើអោយពលរដ្ឋក្រីក្រពិបាករកប្រាក់ ចិញ្ចឹមជីវិតប្រចាំថ្ងៃរបស់ពួកគេ ខណៈរដ្ឋាភិបាលប្រើប្រាស់ប្រាក់ចំនូលរបស់ខ្លួនយ៉ាងច្រើនទៅលើកម្មវិធីអាវុធនុយក្លែអ៊ែរ៕AFP
