ក្រុងស៊េអូល៖ ក្នុងឱកាសពិធីបុណ្យឆ្លងឆ្នាំថ្មីឆ្នាំសកល ឆ្នាំ ២០១៨ លោក គីម ជុងអ៊ុន បានផ្ញើសារដល់ប្រជាជនលើពិភពលោក ថាកូរ៉េខាងជើងនឹងបង្កើនការផលិតគ្រាប់នុយក្លែអ៊ែរ ខ្នាតយក្ស ដែលនេះធ្វើឲ្យពិភពលោក មានការភ្ញាក់ផ្អើលយ៉ាងខ្លាំង។ អ្នកវិភាគយល់ថានេះគឺកាន់តែធ្វើឲ្យមានសម្ពាធកាន់តែខ្លាំងនៅលើឧបទ្វីបកូរ៉េ។
គោលបំណងរបស់ទីក្រុងព្យុងយ៉ាង គឺចង់ប្រែក្លាយខ្លួនឲ្យក្លាយជាប្រទេសដែលមានសក្តានុលផ្នែកអាវុធប្រល័យលោក បើទោះបីជាមានការដាក់សម្ពាធពីសហគមន៍អន្តរជាតិ និង សហរដ្ឋអាមេរិកយ៉ាងណាក្តី។
ក្នុងសារនោះលោក គីម ជុងអ៊ុន បាននិយាយថា៖ «ពួកយើងត្រូវតែផលិតនៅគ្រាប់នុយក្លេអ៊ែរខ្នាតយក្ស និង មីស៊ីលដែលបាញ់រំលងទ្វីបដែលលឿនជាងគេ» ។ លោក គីម ជុងអ៊ុន បានប្រកាសថា កូរ៉េខាងជើង បានសម្រេចបានគោលបំណងបានហើយគឺក្លាយជារដ្ឋ នុយក្លេអ៊ែរ។
សូមរំលឹកថា កូរ៉េខាងជើងបាន បាញ់សាកល្បងកាំជ្រួចអ៊ីដ្រូសែន រំលងទ្វីប ៦លើក រូចទៅហើយក្នុងឆ្នាំ ២០១៧ ដែលគោលបំណងគឺចង់កម្ទេចសហរដ្ឋអាមេរិក៕
