អាមេរិក៖ ការិយាល័យសន្ដិសុខរបស់សហរដ្ឋអាមេរិកនៅមូលដ្ឋានកងទ័ពអាកាសកោះហ្គោមនៃតំបន់អាស៊ីប៉ាស៊ីហ្វិកត្រូវបានរាយការណ៍មកថា បានរៀបចំប្រព័ន្ធការពារវាយប្រហារការបាញ់កាំជ្រួចរួចរាល់អស់ហើយ។
តាមទីភ្នាក់ងារសារព័ត៌មាន AP មូលដ្ឋានទ័ពអាកាសកោះហ្គោមបានប្រកាសពីសុវត្ថិភាពការពារកាំជ្រួចករណីមានការបាញ់ប្រហារពីសំណាក់កូរ៉េខាងជើងនោះ ធ្វើឡើងដោយការបង្ហាញការធ្វើសមយុទ្ធមួយនៅលើកោះនេះ។
កោះហ្គោមគឺជាមូលដ្ឋានកងទ័ពអាកាសរបស់អាមេរិកដែលនៅក្នុងតំបន់អាស៊ីប៉ាស៊ីហ្វិក ឬឯនាយបន្ថិចនៃសមុទ្រជប៉ុនដែលជាគោលដៅនៃការវាយប្រហារដោយកាំជ្រួចរបស់កូរ៉េខាងជើងព្រោះកន្លងមកក្រុងព្យុងយ៉ាងបានព្រមានថា គេអាចបាញ់កំទេចកោះហ្គោមបានយ៉ាងងាយបំផុត។
កោះហ្គោម និងកូរ៉េខាងជើងមានចម្ងាយ ៣ពាន់គីឡូម៉ែត្រពីគ្នា ។
កោះហ្គោមផ្ទុកទៅដោយយន្ដហោះចម្បាំងទំនើបៗ ដូចជា យន្ដហោះ B-52 យន្ដហោះ B-1 B-2 និងយន្ដហោះប្រតិកម្មលឿនជាងសំឡេងជាច្រើនទៀត។កោះហ្គោមក៏ជាទីតាំងឈរជើងនៃនាវាចម្បាំងធំៗរបស់អាមេរិកផងដែរ៕
