ភ្នំពេញ៖ក្រសួងធនធានទឹក និងឧតុនិយមបានប្រកាសឲ្យដឹងថាសីតុណ្ហភាពនឹងចុះត្រជាក់ខ្លាំងនៅតាមតំបន់ជួរភ្នំចាប់ពីថ្ងៃទី១៨ដល់ថ្ងៃទី២២ ខែធ្នូ ឆ្នាំ ២០១៧។
បើយោងតាមសេចក្តីជូនដំណឹងរបស់ក្រសួងក្រសួងធនធានទឹក និងឧតុនិយមចេញផ្សាយនៅថ្ងៃទី១៦ ខែធ្នូនេះឲ្យដឹងថានៅតំបន់ជួរភ្នំដងរែកសីតុណ្ហភាពអប្បបរមានឹងចុះត្រជាក់ក្នុងរង្វង់១៣អង្សាសេនិង១៥អង្សាសេនៅតាមបណ្តាខេត្តមួយចំនួនដូចជា ខេត្តស្ទឹងត្រែង រតនគិរី មណ្ឌលគិរី ព្រះវិហារ ឧត្តរមានជ័យ និងខេត្តប៉ៃលិន។
ចំណែកសីតុណ្ហភាពអប្បបរមានឹងចុះត្រជាក់ក្នុងរង្វង់១៧ទៅ១៨អង្សាសេក្នុងខេត្តពោធិ៍សាត់ បាត់ដំបង សៀមរាប បន្ទាយមានជ័យនិងខេត្តកោះកុងនិង១៩ទៅ២០អង្សាសេចំពោះខេត្តកែប កំពត ព្រះសីហនុ មិនសូវចុះត្រជាក់ខ្លាំង៕
