ភ្នំពេញ៖ប្រទេសកម្ពុជានាំចេញអង្ករជិត៦០ម៉ឺនតោនដែលកើនឡើង១៧.២០ភាគរយក្នុងរយៈពេល១១ខែចាប់ពីខែមករាដល់ខែវិច្ឆិកាឆ្នាំ២០១៧នេះ។
បើយោងតាមរបាយការណ៍លេខាធិការដ្ឋានច្រកចេញចូលតែមួយបង្ហាញថាការនាំចេញអង្ករចាប់ពីខែមករាដល់ខែវិច្ឆិកាបានជិត៦០ម៉ឺនតោនគឺកើនឡើងចំនួន១៧.២០ភាគរយបើធៀបទៅនិងរយៈពេលដូចគ្នាកាលពីឆ្នាំមុនជាង៤៧ម៉ឺនតោន។
យោងតាមរបាយការណ៍ដដែលបញ្ជាក់ថាសម្រាប់ការនាំចេញអង្ករចេញនៅក្នុងខែវិច្ឆិកាឆ្នាំនេះបានជាង៧ម៉ឺនតោនដែលការនាំចេញមានចំនួនប្រហាក់ប្រហែលគ្នាទៅខែតុលា។
របាយការណ៍នេះបង្ហាញថាការនាំចេញអង្ករជាង១៦ម៉ឺនតោនទៅប្រទេសចិនក្នុងរយៈពេល១១ខែនេះខ្ពស់ជាងប្រទេសបារាំងជាង៧ម៉ឺនតោននិងប្រទេសប៉ូឡូញជាង៤ម៉ឺនតោន។
ប្រទេសបង់ក្លាដេសនាំចេញអង្ករពីកម្ពុជា២៥ម៉ឺនតោនក្នុងមួយឆ្នាំៗ។ប្រទេសចិនបញ្ជាទិញអង្ករពីកម្ពុជា៣០ម៉ឺនតោនក្នុងមួយឆ្នាំៗ។ប្រទេសកម្ពុជាផលិតស្រូវជាង៩លានតោនក្នុងមួយឆ្នាំនិងមានអង្ករជាង៣លានតោនសម្រាប់ការនាំចេញប្រចាំឆ្នាំ៕
កម្ពុជានាំចេញអង្ករជិត៦០ម៉ឺនតោនកើនឡើងជាង១៧ភាគរយក្នុងរយៈពេល១១ខែឆ្នាំ២០១៧
Share
Share
ព័ត៌មានទាក់ទង
