ភ្នំពេញ៖ក្រសួងការងារនិងបណ្តុះបណ្តាលវិជ្ជាជីវៈបានប្រកាសដាក់ឲ្យប្រើប្រាស់គោលការណ៍ណែនាំគិលានដ្ឋានសហគ្រាសគ្រឹះស្ថានដើម្បីគ្រប់គ្រងស្តងដាអនាម័យនិងជួយសង្គ្រោះបឋមករណី កម្មករដួលសន្លប់។
ក្រសួងការងារនិងបណ្តុះបណ្តាលវិជ្ជាជីវៈបានដាក់ចេញគោលការណ៍ណែនាំគិលានដ្ឋានសហគ្រាសគ្រឹះស្ថានឲ្យបាន១០០ភាគរយនៅឆ្នាំ២០១៨។គិលានដ្ឋានគឺជាកន្លែងសម្រាប់កម្មកររោងចក្រសម្រាកទទួលទានអាហារ កន្លែងបំបៅដោះកូននិងកន្លែងសង្គ្រោះបឋមជាដើម។
លោក អ៊ិត សំហេង រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈបានប្រាប់អ្នកសារព័ត៌មាននៅក្នុងសិក្ខាសាលាមួយនៅរាជធានីភ្នំពេញនៅព្រឹកថ្ងៃព្រហស្បតិ៍ទី៧ធ្នូនេះថាការប្រកាសគោលការណ៍ណែនាំគិលានដ្ឋានសហគ្រាសគ្រឹះស្ថានដើម្បីពង្រឹងអំពីគុណភាពអនាម័យនិងសុវត្ថិភាពការងាររោងចក្រកាត់ដេរនិងស្បែងជើង។
លោករដ្ឋមន្ត្រី បញ្ជាក់ថាបច្ចុប្បន្នគិលានដ្ឋានសហគ្រាសគ្រឹះស្ថានមានចំនួន៨៨ភាគរយនិង១២ភាគរយទៀតរោងចក្រមិនទាន់មានគិលានដ្ឋាននៅឡើយ ។ប្រទេសកម្ពុជាមានរោងចក្រកាត់ដេរជាង១០០០នៅទូទាំងប្រទេស។
ទោះបីយ៉ាងក្រសូងអំពាវនាវឲ្យម្ចាស់សហគ្រាសគ្រឹះស្ថានត្រូវពង្រឹងគុណភាពនិងគោរពស្តង់ដារអនាម័យនិងសុវត្ថិភាពការងារបន្ថែមទៀត ដើម្បីទប់ស្កាត់ការដួលសន្លប់កម្មករ -កម្មារិនីរោងចក្រ។
សៀវភៅគោលគារណ៍នេះមាន៥ចំណុចសំខាន់ៗដែលសំដៅ បង្កើតឱ្យបានគិលានដ្ឋានតាមសហគ្រាសគ្រឹះ ស្ថាន១០០ភាគរយនៅឆ្នាំ២០១៨ ។ការពង្រឹងគុណភាពសេវាតាមគោលការណ៍ណែនាំសំដៅ ទប់ស្កាត់ករណីដួលសន្លប់និងជំរុញការរៀបចំបទដ្ឋានសុវត្ថភាការងារផ្នែកសំណង់ និងការប្រើប្រាស់សារធាតុអាបេស្តុហ្វដោយសុវត្ថិភាព និងសិក្សារៀបចំច្បាប់ស្ដីពីអនាមយ័និងសុត្ថិភាពការងារ។
តែជាមួយគ្នានេះលោករដ្ឋមន្ត្រីបានព្រមានដាក់ពិន័យឬឲ្យទទួលកំហុសចំពោះមុខច្បាប់ចំពោះម្ចាស់សហគ្រាសគ្រឹះស្ថានមិនគោរពតាមគោលការណ៍ណែនាំគិលានដ្ឋានសហគ្រាសគ្រឹះស្ថាននេះ។
កាលពីថ្ងៃទី៦ ធ្នូ ម្សិលមិញកម្មកររោងចក្រជេឌី & តូយូស៊ីមា ខូអិលធីឌី នៅខេត្តតាកែវជិត២០០នាក់បានដួលសន្លប់សង្ស័យពុលក្លិនថ្នាំកសិកម្ម។
ការដាក់ឱ្យមានគិលានដ្ឋានសហគ្រាសគ្រឹះស្ថាន ក៏ស្របពេលដែល រដ្ឋាភិបាល បានផ្ដល់អនុគ្រោះជាច្រើនដល់កម្មករ ជាពិសេសកម្មការិនីដែលត្រូវពិនិត្យនៅមន្ទីរសុខភាពរបស់រដ្ឋគឺមិនចាំបាច់បង់ថ្លៃពិនិត្យ ហើយការលើកទឹកចិត្តនេះ នឹងចាប់ផ្ដើមនៅឆ្នាំ២០១៨៕
