ប្រធានាធិបតីអាមេរិកលើកទី៤៥ លោក ដូណាល់ត្រាំ នឹង រុះរើដំណែងរដ្ឋមន្ដ្រីការបរទេសលោក រិកថែឡេសិន ក្នុងពេលឆាប់ៗនេះ បន្ទាប់ពីលោក ដូណាល់ត្រាំ មើលឃើញភាពទន់ជ្រាយ មួយចំនួនរបស់លោក រិកថែឡេសិន ដែលមិនហ៊ានប្រឈមមុខនឹងប្រទេសកូរ៉េខាងជើង។ គម្រោងនៃការរុះរើដំណែងរបស់លោក រិកថែឡេសិន នេះ ត្រូវបានសារព័ត៌មានអាមេរិកមួយចំនួនចុះផ្សាយជាច្រើន។
តាមទីភ្នាក់ងារសារព័ត៌មាន រ៉យទ័រ បានចុះផ្សាយថា អ្នកដែលនឹងមកជំនួសលោក រិកថែឡេសិន គឺលោក ម៉ៃប៉ុបពោ ប្រធានអង្គភាពចារកម្មអាមេរិក CIA។ ប៉ុន្ដែបើទោះជាយ៉ាងនេះក្ដី ការរុះរើងដំណែងលោក រិកថែឡេសិន មិនទាន់ត្រូវបានប្រកាសជាផ្លូវការនៅឡើយទេ។
លោក ដូណាល់ត្រាំ បានរិះគន់លោក រិកថែឡេសិន ជាច្រើន ចំពោះអ្វីដែលលោកប្រធានាធិបតីរូបនេះ អះអាងថា លោក រិកថែឡេសិន មិនមានជំហរច្បាស់លាស់ដើម្បីបង្ហាញអំពីឥទ្ធិពលរបស់អាមេរិកចំពោះកូរ៉េខាងជើង។
អ្នកសង្កេតការណ៍មើលឃើញថា លោក រិកថេឡេសិន ជាអ្នកកាទូតដែលមិនជ្រុលនិយមពេកនោះ។ យ៉ាងណាក៏ដោយ លោក ដូណាល់ត្រាំ បានបញ្ជាក់ថែមទៀតលើ Twitter របស់លោកនៅថ្ងៃទី០២ ខែ ធ្នូ នេះថា លោកមិនទាន់សម្រេចថា នឹងត្រូវរុះរើដំណែងលោក រិកថែឡេសិន នៅពេលណានោះទេ តែលោកបញ្ជាក់ថា ពេលនេះលោក រិកថែឡេសិន នៅតែជារដ្ឋមន្ដ្រីការបរទេសអាមេរិកនៅឡើយ។ តាមព័ត៌មានដែលលេចឮចេញពីសេតវិមាន ប្រធានអង្គការភាពចារកម្មអាមេរិក CIA លោក ម៉ៃប៉ុបពោ ទំនងនឹងត្រូវចូលជំនួសដំណែងលោក រិកថែឡេសិន៕
