ប្រធានាធិបតី នៃប្រទេសវេណេហ្សូអេឡា លោក Nicolas Maduro ចាប់ផ្ដើមបោសសំអាតអំពើពុករលួយ ដោយតែងតាំងឧត្តមសេនីយ៍ម្នាក់ជាប្រធានគ្រប់គ្រងក្រុមហ៊ុនប្រេងរបស់រដ្ឋ ខណៈប្រទេសនេះ ធ្លាក់ក្នុងបំណុលជិត ៨ពាន់លានដុល្លារ។
វេណេហ្សូអេឡា ជាប្រទេសផលិតប្រេងដ៏ធំមួយនៅលើពិភពលោក ដែលផលិតផលប្រេងភាគច្រើននាំទៅកាន់ទីផ្សាអាមេរិក និងសហភាពអឺរ៉ុប។ ប្រទេសនេះកំពុងរងរកការដាក់ទណ្ឌកម្មសេដ្ឋកិច្ច ជំហានដំបូងរបស់អាមេរិក គឺការបង្កកហិរញ្ញវត្ថុរបស់មន្ត្រីជាន់ខ្ពស់មួយចំនួនដែលជាប់ពាក់ព័ន្ធនឹង លោក Nicolas Maduro ករណីដឹកនាំប្រទេសទៅរក របបកុម្មុយនិស្ត។
កាលពីសប្ដាហ៍មុនលោក Maduro បានតែងតាំងលោកឧត្តមសេនីយ៍ Manuel Quevedo ជាអ្នកគ្រប់គ្រងប្រេងរបស់រដ្ឋ ហើយជាអ្នកប្រយុទ្ធប្រឆាំងអំពើពុករលួយបន្ទាប់ពី នាយកប្រតិបត្តិរបស់ក្រុមហ៊ុនប្រេងរបស់រដ្ឋ Citgo និង PDVSA ត្រូវបានចាប់ខ្លួនករណីលួចលុយរដ្ឋរាប់រយលានដុល្លារ។
ប្រទេសផលិតប្រេងដ៏ធំនេះ បានធ្លាក់ក្នុងបំណុលជិត ៨ពាន់លានដុលា្លរ ក្នុងនោះវិស័យប្រេងជាចំណែកដ៏ធំជាងគេង ក្នុងបំណុលនេះ។ កាលប៉ន្មានខែមុននេះ លោក Maduro បានទៅជួបប្រធានាធិបតី រុស្ស៊ី ដើម្បីសុំឱ្យប្រទេសជាមិត្ដរបស់ខ្លួនមួយនេះ ជួយដោះបំណុលនិង បង្អង់ការបង្ខំទារបំណុលពីខ្លួន តែក្រុងម៉ូស្គូ ហាក់នៅស្ទះស្ទើរនៅឡើយ។ អ្នកវិភាគព្រមានថា បំណុលផ្ទៃក្នុង និង បំណុលសាធារណៈអាចនឹងកើនលើសនេះទៀត បើអាមេរិកបិទការនាំចូលផលិតផលប្រេងរបស់ប្រទេសនេះ៕ BBC
