យ៉ែម៉ែន ៖ នាវាដឹកស្បៀងអាហារ បានទៅដល់កំពង់ផែមួយ នៃប្រទេសយ៉ែម៉ែន ដែលគ្រប់គ្រងដោយពួកឧទ្ទាម បន្ទាប់ពីប្រទេស អារ៉ាប៊ីសាអូឌីត បើកភ្លើងខៀវ ឲ្យមានជំនួយពីសហគមន៍អន្ដរជាតិ។ ប្រទេសយ៉ែម៉ែន ជាពិសេសនៅតំបន់ដែលពួកឧទ្ទាមគ្រប់គ្រង ស្ថិតក្នុងស្ថានភាពអត់ឃ្លានយ៉ាងខ្លាំង ដែលមនុស្សជាច្រើនលាននាក់ បានប្រឈមមុខនឹងស្ថានភាពនេះ។
នាវារបស់អង្គការសហប្រជាជាតិ ដែលដឹកស្បៀងអាហាររាប់សិបតោន នេះ ក្នុងនោះក៏មានថ្នាំពេទ្យផងដែរ ដើម្បីជួយប្រជាជនក្នុងតំបន់ ឧទ្ទាម ដែលប្រឈមមុខនឹងជំងឺផ្សេងៗ។ នេះជាលើកដំបូងហើយ ដែលនាវាដ៏ធំមួយផ្ទុកស្បៀប្រមាណជា ១ពាន់តោន បានទៅដល់ប្រទេសយ៉ែម៉ែន ចាប់តាំងពីប្រទេសនេះ ធ្លាក់ក្នុងសង្គ្រាមជាងពីរឆ្នាំមកនេះ។
តាមសេចក្ដីរាយការណ៍ របស់អង្គការកម្មវិធីស្បៀងអាហារពិភពលោក បានប្រាប់ BBC ថា មនុស្សយ៉ាងតិច ១លាន ៨សែននាក់ នៅភាគខាងជើងនៃប្រទេសយ៉ែម៉ែន កំពុងរង់ចាំជំនួយទៅដល់៕
