loader

ក្រសួងទេសចរណ៍អំពាវនាវដល់ពលរដ្ឋទុកដាក់សំរាមឲ្យបានត្រឹមត្រូវក្នុងព្រះរាជពិធីបុណ្យអុំទូក

ភ្នំពេញ ៖ ក្រសួងទេសណ៍បានធ្វើសេចក្តីអំពាវនាវ ទៅកាន់សាធារណជន ពិសេសប្រជាពលរដ្ឋដែលមកចូលរួមកំសាន្តក្នុងឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នៅរាជធានីភ្នំពេញចា​ប់ពីថ្ងៃទី២-៤ ខែវិច្ឆិកានេះ ត្រូវចូលរួមថែរក្សាអនាម័យ និងការទុកដាក់សំរាមឲ្យបានត្រឹមត្រូវ ដោយមិនត្រូវបោះចោលសំរាមគ្មានសណ្តាប់ធ្នាប់នោះទេ។ សេចក្តីអំពាវនាវរបស់ក្រសួងទេសចរនេះ ធ្វើកាលពីថ្ងៃទី០១ វិច្ឆិកាមិ្សលមិញ តាមរយៈទំព័រហ្វេសប៊ុករបស់ក្រសួង។

ដើម្បីចូលរួមអបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក គណៈកម្មាធិការជាតិវាយតម្លៃទីក្រុងស្អាត ក្រសួងទេសចរណ៍ សូមអំពាវនាវដល់ប្រតិបត្តិករទេសចរណ៍ អាជីវករ និងប្រជាពលរដ្ឋទាំងអស់ ដែលមកលេងកម្សាន្តនៅក្នុងតំបន់ប្រារព្ធព្រះរាជពិធីបុណ្យអុំទូក  ចូលកុំបោះសំរាមចោលពាសវាលពាសកាល កុំបន្ទោរបង់ពាសវាលពាសកាលចូលទន្លេ និងកន្លែងសាធារណៈផ្សេងៗ ត្រូវវេចខ្ចប់សំរាម និងទុកដាក់ឲ្យបានត្រឹមត្រូវក្នុងធុងសំរាម ត្រូវប្រើប្រាស់បង្គន់សាធារណៈឲ្យបាន ត្រឹមត្រូវ ត្រូវចូលរួមអប់រំអំពីភាពស្អាត ការថែរក្សាអនាម័យដល់ក្រុមគ្រួសារ មិត្តភក្តិ និងអ្នកជុំវិញខ្លួន។

គណៈកម្មាធិការជាតិវាយតម្លៃទីក្រុងស្អាត ក្រសួងទេសចរណ៍សូមសំដែងនូវសេចក្តីសង្ឃឹមជឿជាក់លើ ប្រតិបត្តិករទេសចរណ៍ អាជីវករ និងសាធារណៈជនទាំងអស់នឹងចូលរួមគ្រប់គ្រងសំរាមរបស់ខ្លួនឲ្យបានត្រឹមត្រូវ ដើម្បីចូលរួមលើកកម្ពស់ភាពស្អាត និងបៃតងនៅរាជធានីភ្នំពេញក៏ដូចជានៅទូទាំងព្រះរាជាណាចក្រកម្ពុជា៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជាបានប្រារព្ធជាថ្មីក្រោយកូវីដ១៩

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជា[...]

កម្ពុជាឈ្នះក្តីពីគណៈកម្មការអឺរ៉ុបដែលដកហូតការអនុគ្រោះពន្ធ សម្រាប់ការនាំចូលអង្ករពីកម្ពុជា

ភ្នំពេញ៖ កម្ពុជាបានឈ្នះក្តីលើបណ្តឹងតវ៉ា ចំពោះ[...]

សម្តេច  ហ៊ុន សែន៖ បណ្ដាញទីក្រុងឆ្លាតអាស៊ាន (ASCN)  កំពុងរួមចំណែកសំខាន់ ឈានទៅសម្រេចនូវចក្ខុវិស័យអាស៊ាន២០២៥ និងផែនការអភិវឌ្ឍទីក្រុង

សម្តេច ហ៊ុន សែននាយករដ្ឋមន្ដ្រីនៃកម្ពុជាបញ្ជាក[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x