វ៉ាស៊ិនតោន ៖ អ្នករាយការណ៍ពត៌មានស៊ើបអង្កេតម្នាក់ ប្រចាំឲ្យបណ្ដាញផ្សាយពត៌មាន Raw Story US បានរាយការណ៍ថាកូរ៉េខាងជើងមានផែនការបាញ់កាំជ្រួចជាច្រើនគ្រាប់ខណៈលោក ដូណាល់ត្រាំ ទៅធ្វើទស្សនកិច្ច នៅចិន ឬ ប្រទេសកូរ៉េខាងត្បូង ក្នុងសប្ដាហ៍នេះ។ តាមលោកស្រីអានីតាកូម៉ា អ្នករាយការណ៍ពត៌មានសង្ខេបនេះ បានបញ្ជាក់ថា រយៈពេលមួយសប្ដាហ៍មកនេះកូរ៉េខាងជើងបានរៀបចំជើងទម្រដើម្បីបាញ់កាំជ្រួចរួចរាល់អស់ហើយ។
លោកស្រីឲ្យដឹងទៀតថា ការបាញ់កាំជ្រួចទាំងនោះអាចនឹងធ្វើឡើង នៅពេលដែលលោក ដូណាល់ត្រាំ ធ្វើដំណើរទៅដល់ ប្រទេសចិន ឬជាន់លើទឹកដីកូរ៉េខាងត្បូងតែម្ដង។ លោកស្រីបានព្រមានថា ទស្សនកិច្ចរបស់ លោកត្រាំ ទៅកាន់កូរ៉េខាងត្បូងអាចនឹងនាំឲ្យមានមហន្ដរាយនៃការផ្ទុះសង្គ្រាម។
បណ្ដាញផ្សាយពត៌មានជាច្រើនបានចុះផ្សាយថា លោកត្រាំ ធ្វើ ទស្សនកិច្ចនៅអាស៊ីចំនួន ៥ ប្រទេស នៅសប្ដាហ៍នេះ គឺនៅប្រទេស ចិន ជប៉ុន កូរ៉េខាងត្បូង ហ្វីលីពីន និងវៀតណាម។ ទស្សនកិច្ចរបស់លោក ដូណាល់ត្រាំ នៅកូរ៉េខាងត្បូង ដើម្បីជួបប្រធានាធិបតី មូនចូវអ៊ីន និងទៅសួរសុខទុក្ខកងទ័ពអាមេរិកដែលមានវត្តមានលើទឹកដីនេះ៕ ប្រភព News week