ភ្នំពេញ៖សហភាពអន្តរសភាឬInter-Parliamentary Union (IPU)បានទទូចដល់រដ្ឋាភិបាលកម្ពុជាអនុញ្ញាតឲ្យតំណាងរាស្រ្ត គណបក្សសង្រ្គោះជាតិដែលបង្ខំចេញទៅក្រៅប្រទេសអាចវិលត្រឡប់ចូលស្រុកវិញ ដើម្បីចូលរួមឃោសនារកសំឡេងឆ្នោតដោយសេរីក្នុងការបោះឆ្នោតជ្រើសរើសតំណាងរាស្រ្តឆ្នំា២០១៨។
ជាកត់សំគាស់ក្រុមតំណាងរាស្រ្តគណបក្សប្រឆំាងមួយចំនួនបានចេញទៅក្រៅប្រទេសធ្វើឡើងបន្ទាប់ពីនាយករដ្ឋមន្រ្តី ហ៊ុន សែន ព្រមានពីការចាប់ខ្លួនអ្នកពាក់ព័ន្ធផ្សេងទៀតពីអំពើក្បត់ជាតិក្នុងសំណុំរឿងលោក កឹម សុខា ប្រធានគណបក្សសង្រ្គោះជាតិ។
សហភាពអន្តរសភា (IPU) ក៏ទទូចឲ្យរដ្ឋាភិបាលដោះលែងប្រធានគណបក្សប្រឆំាងលោក កឹម សុខា ជាបន្ទាន់និងអនុញ្ញាតឲ្យមេបក្សប្រឆំាងរូបនេះបន្តភារកិច្ចជាសមាជិកសភានៃ ប្រធានគណបក្សប្រឆំាង។នេះបើយោងតាមសេចក្តីថ្លែងការណ៍របស់ IPUចុះផ្សាយនៅថ្ងៃទី១៨ ខែតុលានេះ។
ក្នុងសេចក្តីថ្លែងការណ៍ក្រោមចំណងជើងថា«វិបត្តិនយោបាយកើតឡើងនៅទូទំាងពិភពលោក ដោយសារការរំលោភសិទ្ធិមនុស្សប្រឆំាងនឹងសមាជិកសភាមកពីគណបក្សប្រឆំាងកើនឡើង» បានប្រកាសអាសន្នម្តងហើយម្តងទៀតក្នុងស្ថានភាពដ៏លំបាកសម្រាប់ក្រុមតំណាងរាស្រ្តមកពីគណបក្សប្រឆំាងចំនួន១៥រូបនៅក្នុងប្រទេស។
ក្នុងសេចក្តីថ្លែងការណ៍នេះ IPUក៏បានសម្តែងការព្រួយបារម្ភយ៉ាងខ្លំាងអំពីការកើនឡើងការគាប់ សង្កត់និងការរំលោភបំពានសិទ្ធិមនុស្សប្រឆំាងនឹងសមាជិកសភាមកពីគណបក្សប្រឆំាងក្នុង ប្រទេសកម្ពុជា។ការណ៍នេះនំាIPUគ្រោងនឹងបញ្ជូនបេសកម្មស្វែករកការពិតដោយគណៈ កម្មាធិការIPUស្តីពីសិទ្ធិមនុស្សនៃសមាជិកសភាមកប្រទេសកម្ពុជានៅពេលឆាប់ៗនេះ។
IPUបានធ្វើសេចក្តីសម្រេចស្តីពីសិទ្ធិមនុស្សនៃសមាជិកសភាត្រូវបានផ្តល់ការពារនិងការដោះស្រាយចំពោះសមាជិកសភាគណបក្សប្រឆំាងកំពុងប្រឈមនឹងការរំលោភសិទ្ធិមនុស្សដែលអនុម័តដោយគណកម្មាធិការនៃសមាជិកសភាចំនួន២០០នាក់ក្នុងចំណោម១១ប្រទេស៕
