loader

រដ្ឋសភានឹងអានព្រះរាជសាររបស់ព្រះមហាក្សត្រនៅថ្ងៃប្រជុំសភា ១២ តុលា

ភ្នំពេញ ៖ គណៈកម្មាធិការអចិន្ត្រៃយ៍រដ្ឋសភា នៅថ្ងៃទី ០៥ តុលានេះ ​បានសម្រេចកំណត់ថ្ងៃ បើកសម័យប្រជុំរដ្ឋសភាលើកទី៩ នីតិកាលទី៥ នៅព្រឹកថ្ងៃទី ១២ ខែតុលា ឆ្នាំ២០១៧ ខាងមុខនេះ បន្ទាប់ពីបានវិស្សមកាលអស់រយៈពេល ៣ខែ មកនោះដែលក្នុងមានការអានព្រះរាជសាររបស់ព្រះមហាក្សត្រទៀតផង។

                                                                  ព្រះមហាក្សត្រនៃព្រះរាជាណាចក្រកម្ពុជា។

ព្រះមហាក្សត្រ បានយាងត្រឡប់ពីពិនិត្យព្រះរាជសុខភាពវិញ កាលរសៀលថ្ងៃទី ៤ តុលា ដែលព្រះអង្គបានចាកចេញពីប្រទេសជិត ៣ខែ។ ទីដែលព្រះអង្គ សម្រាកពិនិត្យព្រះសុខភាពគឺនៅប្រទេសចិន។

តាមសេចក្ដីជូនដំណឹងរបស់អគ្គលេខាធិការដ្ឋានរដ្ឋសភា  ដែលត្រូវបានមើលឃើញលើបណ្ដាញហ្វេសប៊ុកជាសាធារណៈ នៅថ្ងៃទី ៥ តុលានេះ ​មាន ៦ របៀបវារៈ តែរបៀបវារៈអំពីព្រះរាជសារព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជូនសម័យប្រជុំរដ្ឋសភាលើកទី៩ នីតិកាលទី៥ ជាប្រធានបទសំខាន់ជាងគេ ដែលរដ្ឋសភាត្រូវអាន នៅចំពោះមុខសមាជិកសភាដែលមានវត្តមាន។

ការប្រជុំសភាបន្ទាប់ពីបានវិស្សមកាលអស់រយៈពេល ៣ ខែមកនោះ នៅថ្ងៃទី ១២ តុលា ទំនងមិនមានវត្តមានសមាជិកសភា នៃគណបក្សសង្រ្គោះជាតិនោះទេ ដោយសមាជិកសភាបក្សនេះ ភាគច្រើនបានរត់ភៀសខ្លួនទៅក្រៅប្រទេស។

ព្រះមហាក្សត្របានយាងចាកចេញពីទៅក្រុងប៉េកាំង គឺមុនប៉ុន្មានថ្ងៃ ដែលវិសោធនកម្ម ស្ដីពីគណបក្សនយោបាយ ត្រូវបញ្ចូនចូលរាជវាំងដើម្បីសុំការឡាយប្រហស្ថលេខា របស់ព្រះអង្គឱ្យក្លាយជាច្បាប់ និងចូលជាធរមាន។

តែយ៉ាងណាក៏ដោយ វិសោធនកម្មច្បាប់នេះ ត្រូវបានប្រមុខរដ្ឋស្ដីទីគឺលោក សាយ ឈុំ បានចុះហត្ថលេខាជំនួសព្រះអង្គ។ ព្រះមហាក្សត្រ ដែលបានយាងត្រឡប់មកវិញនេះ ក៏ចំពេលលោក កឹម សុខា ប្រធានគណបក្ស ប្រឆាំងត្រូវបានចាប់ខ្លួនក្រោមបទក្បត់ជាតិផងដែរ៕

 

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជាបានប្រារព្ធជាថ្មីក្រោយកូវីដ១៩

មិទ្ទីញរណសិរ្សសាមគ្គីអភិវឌ្ឍន៍មាតុភូមិកម្ពុជា[...]

កម្ពុជាឈ្នះក្តីពីគណៈកម្មការអឺរ៉ុបដែលដកហូតការអនុគ្រោះពន្ធ សម្រាប់ការនាំចូលអង្ករពីកម្ពុជា

ភ្នំពេញ៖ កម្ពុជាបានឈ្នះក្តីលើបណ្តឹងតវ៉ា ចំពោះ[...]

សម្តេច  ហ៊ុន សែន៖ បណ្ដាញទីក្រុងឆ្លាតអាស៊ាន (ASCN)  កំពុងរួមចំណែកសំខាន់ ឈានទៅសម្រេចនូវចក្ខុវិស័យអាស៊ាន២០២៥ និងផែនការអភិវឌ្ឍទីក្រុង

សម្តេច ហ៊ុន សែននាយករដ្ឋមន្ដ្រីនៃកម្ពុជាបញ្ជាក[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x