ប្រធានាធិបតីសហរដ្ឋអាមេរិក លោកដូណាល់ត្រាំ នឹងមកទស្សនកិច្ចនៅប្រទេសវៀតណាមក្នុងខែវិច្ឆិកាខាងមុខនេះដើម្បីមកចូលរួមនៅកិច្ចប្រជុំសេដ្ឋកិច្ចអាស៊ីប៉ាស៊ីហ្វិក ស្របពេលដែលសេតវិមានពង្រឹងការជួយអភិវឌ្ឍន៍នៅអាស៊ីអាគ្នេយ៍។
នេះគឺជាលើកតំបូងហើយដែល លោកប្រធានាធិបតី ដូណាល់ត្រាំ នឹងធ្វើដំណើរទស្សនកិច្ចនៅអាស៊ី ចាប់តាំងពីលោកឡើងធ្វើជាប្រធានាធិបតីនៃសហរដ្ឋអាមេរិកនៅថ្ងៃទី២០មករាឆ្នាំ២០១៧។ លោក ដូណាល់ត្រាំ នឹងមកចូលរួមកិច្ចប្រជុំសេដ្ឋកិច្ចអាស៊ីប៉ាស៊ីហ្វិក និង កិច្ចប្រជុំអាស៊ាន ដែលធ្វើឡើងនៅប្រទេសហ្វីលីពីន។ លោកដូណាល់ ត្រាំ នឹងទៅទស្សនកិច្ចនៅប្រទេសជប៉ុន កូរ៉េខាងត្បូង និង ប្រទេសចិននៅខែវិច្ឆិកា។
នៅក្នុងសេចក្តីថ្លែងការណ៍របស់សេតវិមានបាននិយាយថាដំណើរទស្សនកិច្ចនេះ លោកដូណាល់ ត្រាំសន្យានឹងពង្រឹងចំណងរវាងសហរដ្ឋអាមេរិក និង ប្រទេសក្នុងតំបន់។
តាមសារព័ត៌មានវៀតណាម Vietnam Net នៅក្នុងកិច្ចប្រជុំសេដ្ឋកិច្ចអាស៊ាននោះ គេរំពឹងថាលោកប្រធានាធិបតី ស៊ីជីងពីង នឹង លោកប្រធានាធិបតីរុស្សី វ្លាឌឺមៀរ ពូទីន នឹងចូលរួមកិច្ចប្រជុំមួយនេះដែរ៕ប្រភពៈVietnam Net
