យាំងហ្គន ៖ យោងទៅតាមការចុះផ្សាយរបស់កាសែត ថៃ The nation កាលពីថ្ងៃទី៣០ កញ្ញា ម្សិលមិញនេះ ជនជាតិរ៉ូហីងយ៉ា កើនដល់ជាង ២ពាន់នាក់ ត្រូវបានជម្លៀសខ្លួនទៅកាន់ជុំរុំ នៃប្រទេសបង់ក្លាដេស។ ជនភាសខ្លួនរូហ៊ីងយ៉ា ទាំងនោះគឺបានរត់ចេញ ពីភាគខាងជើងប្រទេសភូមា ក្នុងរដ្ឋរ៉ាឃីន ព្រោះតែគេចចេញពីការបង្ក្រាបរបស់កងទ័ពភូមា ក្នុងសហគមន៍រ៉ូហ៊ីងយ៉ា ដែលអង្គការសហប្រជាជាតិបានលើកឡើងថា នេះគឺជាបំណងរបស់ពួកយោធាក្នុងការបោសសម្អាតជនជាតិ រ៉ូហីងយ៉ា។
ការរត់ទៅប្រទេសបង់ក្លាដេស គឺមានគ្រោះថ្នាក់ជាខ្លាំង សម្រាប់ជនជាតិភាគតិច រ៉ូហ៊ីងយ៉ា ដែលកាន់សាសនាឥស្លាមហើយភាគច្រើនគឺជាជនក្រីក្រ។ ពួកសហគមន៍រ៉ូហ៊ីងយ៉ា មានដើមកំណើតមកពីប្រទេសបង់ក្លាដេស និងប្រទេសឥណ្ឌា ពួកគេបានទៅរស់នៅលើទឹកដីភូមា ចាប់តាំងសម័យអាណានិគមអង់គ្លេសមកម្លេះមក ក៏ប៉ុន្ដែរដ្ឋាភិបាលភូមា មិនចាត់ទុកពួកគេប្រជាជនរបស់ខ្លួនឡើយ ដោយបានគាបសង្កត់ពួកគេយ៉ាងខ្លាំងជាច្រើនទសវត្ស។
ការធ្វើទុក្ខបុកម្នេញលើសហគមន៍រ៉ូហ៊ីងយ៉ា កាន់តែរីកធំឡើយ ក្រោយពេលដែលមានក្រុមឧទ្ទាមអាសាប្រមូលផ្ដុំគ្នា បានសម្លាប់កងទ័ពភូមា។ ពួកយោធាភូមា បានចោទប្រកាន់ក្រុមឧទ្ទាមទាំងនោះថា កើតចេញពីពួករ៉ូហ៊ីងយ៉ា ដែលមិនអាចឲ្យជ្រកកោនលើទឹកដីភូមាបានបន្ដទៀតឡើយ។
មានការបាញ់សម្លាប់ ការចាប់រំលោភស្ដ្រី និងដុតផ្ទះសម្បែង របស់ពួកសហគមន៍មូស្លីមនេះជារឿយៗ ដែលធ្វើឲ្យពួកគេត្រូវបង្ខំចិត្ដនាំគ្នារត់ចុះទឹកកាត់តាមទន្លេ ណាហ្វ ដែលមានអ្នកខ្លះស្លាប់ខណៈធ្វើដំណើរតាមទឹកដោយការហែល ឆ្ពោះទៅប្រទេសកំណើតរបស់ពួកគេវិញ៕ ប្រភព Thai The Nation
