ផ្ទះជាង ២០ខ្នង ត្រូវបានឆេះដោយកម្លាំងគ្រាប់បែកដែលបានផ្ទុះនៅក្បែរតំបន់វិហារអ៊ីស្លាមនៅរដ្ឋរ៉ាក់ខាយ ប្រទេសភូមា។នេះបើយោងតាមការលើកឡើងរបស់រដ្ឋាភិបាលភូមា កាលពីថ្ងៃសុក្រទី ២២ កញ្ញា ។
ករណីនេះជារឿងដែលក្តៅបំផុតរបស់ក្រុមឧទ្ទាម ម៉ូស្លីមរ៉ូហ៊ីងយ៉ា បានធ្វើការវាយប្រហារមកលើពួកទាហ៊ានស៊ីវិលរបស់រដ្ឋាភិបាលភូមា។ អំពើហិង្សានេះ បានកើតឡើងជាច្រើនថ្ងៃ បន្ទាប់ពីមេដឹកនាំស៊ីវិលរបស់លោកស្រី អ៊ុង សានស៊ូជី បានប្រកាសថា យោធាបានបញ្ឈប់ប្រតិបត្តិការបោសសំអាតនៅតាមតំបន់ព្រំដែន។
ជនភៀសខ្លួនស៊ីវិលដែលហូរចូលទៅប្រទេសបង់ក្លាដេសនិយាយថា ពួកគេត្រូវបានវាយប្រហារដោយពួកទាហាន និងក្រុមអ្នកកាន់ពុទ្ធសាសនា ដោយការដុតភូមិរបស់ពួកគេ។
ភស្តុតាងជាច្រើនដែលឃើញនៅក្នុងផ្កាយរណប ក្នុងនោះមានផ្ទះអ្នកភូមិជាង២០ ត្រូវបានគេដុតឲ្យក្លាយទៅជាផេះ។ ករណីនេះត្រូវបានអង្គការសហប្រជាជាតិមើលឃើញថា រដ្ឋាភិបាលភូមាមានបំណងចង់បោសសម្អាតជនជាតិដើមភាគតិចរ៉ូហ៊ីងយ៉ា។តែយ៉ាងណាក្តីគេមិនទាន់អាចកំណត់ពីចំនួនអ្នកស្លាប់បាននៅឡើយទេ។ប្រជាជនរ៉ូហ៊ីងយ៉ាប្រហែល ២សែន ៩ម៉ឺននាក់ បានភៀសខ្លួនចេញពីរដ្ឋរ៉ាខាយដើម្បីស្វែងរកទីជំរកនៅតាមព្រំដែននៃប្រទេសបង់ក្លាដេស៕
