en     km
en     km

ក្រុមអ្នកស្រាវជ្រាវរកឃើញហ្វូស៊ីលគ្រំ ខ្យង និងងាវសមុទ្រដែលមានអាយុរាប់លានឆ្នំា

Share

ភ្នំពេញ៖ កាលពីពេលថ្មីៗនេះ ក្រុមអ្នកស្រាវជ្រាវនៃនាយកដ្ឋានបេតិកភណ្ឌនៃក្រសួងបិរស្ថានបានរកឃើញហ្វូស៊ីល ខ្យង គ្រំ និងងាវសមុទ្រ ក្នុងដែនជម្រកសត្វព្រៃគូលែនព្រហ្មទេព ខេត្តព្រះវិហារដែលអាចមានអាយុរាប់លានឆ្នំា។ នេះបើតាមគេហទំព័រហ្វេសប៊ុកក្រសួងបរិស្ថានចុះផ្សាយនាថ្ងៃទី ១៨ កញ្ញា ឆ្នំា២០១៧។

តាមរយៈនៃការរកឃើញនេះ អនុប្រធានការិយាល័យអប់រំផ្សព្វផ្សាយនៃក្រសួងបរិស្ថានលោក លឹម វណ្ណច័ន្ទ បានលើកទ្បើងថា ក្រុមបច្ចេកទេសអាចសន្និដ្ឋានថាប្រទេសកម្ពុជាអាចធ្លាប់ជាបាតសមុទ្រ។

តែទោះបីជាយ៉ាងណាក៏ដោយចុះដោយសារតែកង្វះអ្នកជំនាញ ហ្វូស៊ីលនេះនៅមិនទាន់អាចវាស់អាយុកាលពិតប្រាកដបាននៅទ្បើយនោះទេ ប៉ុន្តែលោកអាចសន្និដ្ឋានបានថា ហ្វូស៊ីលនេះមានអាយុមិនតិចជាងរាប់លានឆ្នំានោះទេ។

គួរជម្រាបថាដុំហ្វូស៊ីលទំាងនោះមានរាងជាដុំថ្មដែលមានផ្តុំទៅដោយងាវសមុទ្រ ងាវ ឬក៏គ្រំដែលត្រូវបានរកឃើញនៅទួលមួយក្នុងកន្លែងភូមិសាស្រ្តនៃដែនជម្រកសត្វព្រៃគូលេនព្រហ្មទេព។

អនុប្រធានការិយាល័យក្រសួងបរិស្ថានរូបនេះ រំពឹងថាប្រសិនបើទីតាំងតំបន់ដែលរកឃើញហ្វូស៊ីលនេះត្រូវបានសិក្សាធ្វើកំណាយនោះ វានឹងនំាទៅដល់ការស្វែងយល់ពីការចំណាស់នៃទឹកដីរបស់កម្ពុជា ហើយអាចស្វែងយល់ពីប្រភេទសត្វដែលមានប្រវត្តិសាស្រ្តប្រទេសកម្ពុជា។ មន្រ្តីក្រសួងបរិស្ថានរូបនេះសង្កត់ធ្ងន់ថា ហ្វូស៊ីលទំាងនេះគឺនឹងអាចក្លាយជារបស់បេតិកភណ្ឌសម្រាប់កសិករស្រាវជ្រាវយ៉ាងសំខាន់។

Share

Image
Image
Image