ភ្នំពេញ៖ វិញ្ញាបនប្រតបណ្ដោះអាសន្នមធ្យមសិក្សាទុតិយភូមិ សម័យប្រឡង ២១ សីហា ២០១៧ នឹងផ្ដល់ជូនដល់បេក្ខជនដែលប្រឡងជាប់ នៅថ្ងៃទី ១៩ ខែកញ្ញា ឆ្នាំ២០១៧ តាមគ្រឹះស្ថានមធ្យមសិក្សានីមួយៗ។ នេះបើយោងតាមសេចក្ដីជូនដំណឹងរបស់ក្រសួងអប់រំ។
តាមសេចក្ដីជូនដំណឹងរបស់ក្រសួងអប់រំ យុវជន និងកីឡា ចុះនៅថ្ងៃទី ១៥ ខែកញ្ញា ឆ្នាំ២០១៧ ផ្ញើជូនប្រធានមន្ទីរអប់រំ យុវជន និងកីឡារាជធានីខេត្ដ គឺ ការផ្ដល់វិញ្ញាបនបត្រជូនដល់បេក្ខជនពុំមានបង់ប្រាក់នោះឡើយ ។
សេចក្ដីជូនដំណឹងរបស់ក្រសួងដដែល រាល់បាតុភាពទាំងឡាយណាដែលកើតចេញពីការផ្ដល់វិញ្ញាបនបត្រនេះ គណៈគ្រប់គ្រងគ្រឹះស្ថានសាមីជាអ្នកទទួលខុសត្រូវ៕
