បុរសអ្នកទោសជនជាតិវៀតណាមពីរនាក់ ដែលស្ថិតក្រោមទោសប្រហារជីវិតស្លាប់ត្រូវបានប៉ូលីសចាប់ខ្លួនបានវិញហើយ បន្ទាប់ពួកគេបានហែកគុករត់គេចខ្លួនអស់រយៈពេល ៦ថ្ងៃ។ ពន្ធនាគារដែលអ្នកទោសទាំងពីរនេះបានរត់គេចខ្លួននោះ គឺនៅទីក្រុងហាណូយប្រទេស វៀតណាម។ នេះបើយោងតាមអគ្គនាយកដ្ឋានប៉ូលីសប្រចាំប្រទេសវៀតណាមឱ្យដឹងនៅថ្ងៃអាទិត្យនេះ។
លោក ងៀង វ៉ាន់ ធិន(Nguyen Van Tinh) អាយុ ២៨ ឆ្នាំ រស់នៅទីក្រុងហាណូយ ត្រូវតុលាការកាត់ទោសប្រហារជីវិតកាលពីខែមេសា ពី បទជួញដូរថ្នាំញៀន នឹងត្រូវបានឃុំឃាំងនៅក្នុងគុកមួយនៅភាគខាងជើងខេត្ត ហ័រប៊ីញ(Hoa Binh) ។
ចំណែកអ្នកទោសម្នាក់ទៀតឈ្មោះ ឡេ វ៉ាន់ថូ អាយុ ៣៧ ឆ្នាំ រស់នៅភាគខាងជើងខេត្ត ហាយឌឿង ដែលជននេះ ស្ថិតក្រោមការកាត់ទោសប្រហារជីវិតពីបទជួញដូរគ្រឿងញៀន ឃាតកម្ម និងបោកប្រាស់ទ្រព្យសម្បត្តិ ត្រូវបានឃាត់ខ្លួននៅពេលជននេះកំពុងជិះតាក់ស៊ីនៅខេត្ត ហាយឌឿង (Hai Duong) ។
កាលពីព្រឹកថ្ងៃទី ១១ ខែកញ្ញា ជនទាំងពីរនេះ បានបំបែកឃ្នោះដៃរបស់ខ្លួន ហើយបានលោតចុះពីលើជញ្ជាំងកំពស់៣ ម៉ែត្រ គេចខ្លួនចេញពីមណ្ឌលឃុំឃាំង T16 ក្នុងទីជនបទ នៃស្រុកថាញ់អៃ។ បុគ្គលិកខ្លះនៃមណ្ឌលឃុំឃាំងត្រូវបានដាក់ទណ្ឌកម្ម ពីបទធ្វេសប្រហែស។ ប្រភព៖ Xinhua
