រដ្ឋាភិបាលកម្ពុជា និងរដ្ឋាភិបាលចិន បានចុះហត្ថលេខាលើអនុស្សារណៈយោគយល់មួយស្ដីពីសហប្រតិបត្តិការនៃការប្រើប្រាស់ថាមពលនុយក្លេអ៊ែរ។
បើតាមសារព័ត៌មាន World Nuclear News កិច្ចព្រមព្រៀងនេះ ធ្វើឡើងដោយលោក Tekreth Samrach រដ្ឋលេខាធិការនៃក្រុមប្រឹក្សាគណៈរដ្ឋមន្រ្ដីកម្ពុជា និងលោក Li Jize ប្រធានសាជីវកម្មថាមពលនុយក្លេអ៊ែរជាតិប្រទេសចិន (CNNC) នៅទីក្រុងគ័រស៊ី ប្រទេសចិន កាលពីថ្ងៃទី១៣ កញ្ញា ។
បន្ទាប់ពីចុះហត្ថលេខាភាគីទាំងពីរបានចេញសេចក្ដីថ្លែងការណ៍រួមដែលសេចក្ដីថ្លែងការណ៍នេះ ចាត់ទុកអនុស្សារណៈកម្ពុជា-ចិន មានសារៈសំខាន់នៃគម្រោងការមួយ អនុវត្តយុទ្ធសាស្រ្ដប្រទេសចិនដែលគេហៅថា “ខ្សែក្រវ៉ាត់១ ផ្លូវ១” សំដៅពង្រឹងសហប្រតិបត្តិការសេដ្ឋកិច្ចតំបន់អាស៊ាន។
កាលពីខែកញ្ញា ២០១៥ សាជីវកម្មនុយក្លែអ៊ែររបស់ប្រទេសរុស្ស៊ីបានចុះហត្ថលេខាជាមួយភាគីកម្ពុជាសំដៅបង្កើតថាមពលនុយ ក្លេអ៊ែរនេះដែរ ហើយក្រោយមកនៅក្នុងខែមីនា ឆ្នាំ២០១៦ ប្រទេសទាំងពីរក៏បានឈានដល់ការចុះអនុស្សារណៈដូចប្រទេសចិនផងដែរ៕
