en     km
en     km

អាជ្ញាធរ​ខេត្ត​ត្បូងឃ្មុំ​បន្ថែម​កម្លាំង​ការពារ​ពន្ធនាគារ​ត្រពាំង​ផ្លុ​ង​កន្លែង​ឃុំ​មេ​បក្ស​ប្រឆាំង​

Share

ភ្នំពេញ៖ គណៈ​បញ្ជាការ​ឯកភាព​ខេត្ត​ត្បូងឃ្មុំ​បាន​សម្រេច​បញ្ជូន​សមត្ថកិច្ច​ចំរុះ​បន្ថែម​ការពារ​ពន្ធនាគារ​ត្រពាំង​ផ្លុ​ង​ ឬ​មណ្ឌល​កែប្រែ​ម​៣​ដែល​កំពុង​ឃុំខ្លួន​ប្រធាន​គណបក្ស​សង្គ្រោះ​ជាតិ​ លោក​ កឹ​ម​ សុខា​ នៅ​ព្រឹក​ថ្ងៃ​ទី​១០​ ខែកញ្ញា​នេះ​។​

គណៈបញ្ជាការឯកភាពខេត្តត្បូងឃ្មុំសម្រេចបញ្ជូន សមត្ថកិច្ចចំរុះបន្ថែមកម្លាំងជួយការពារ ម៣ ចំនួន៧៥នាក់។ photo:facebook

​គណៈ​បញ្ជាការ​ឯកភាព​ខេត្ត​ត្បូងឃ្មុំ​បាន​សរសេរ​នៅ​លើ​បណ្តាញ​សង្គម​ហ្វេ​ស​ប៊ុ​ក​ផ្លូវការ​របស់​ខ្លួន​ថា​ ដើម្បី​សុវត្ថិភាព​ម​៣​ ឬ​ ពន្ធនាគារ​ត្រពាំង​ផ្លុ​ង​នៅ​ក្បែរ​ព្រំដែន​វៀតណាម​ ដែល​បាន​ឃុំខ្លួន​ប្រធាន​គណបក្ស​សង្គ្រោះ​ជាតិ​ លោក​ កឹ​ម​ ពី​ទោស​ក្បត់ជាតិ​ត្រូវ​បាន​គណៈ​បញ្ជាការ​ឯកភាព​ខេត្ត​ត្បូងឃ្មុំ​សម្រេច​បញ្ជូន​កម្លាំង​សមត្ថកិច្ច​ចំរុះ​បន្ថែមចំនួន​៧៥​នាក់​ ដើម្បី​ការពារ​។​

«​ដើម្បី​សុវត្ថិភាព​ម​៣​បច្ចុប្បន្ន​ គណៈ​បញ្ជាការ​ឯកភាព​ខេត្ត​ត្បូងឃ្មុំ​សម្រេច​បញ្ជូន​ សមត្ថកិច្ច​ចំរុះ​បន្ថែម​កម្លាំង​ជួយ​ការពារ​ ម​៣​ ចំនួន​៧៥​នាក់​»​។​

​លោក​ កឹ​ម​ សុខា​ ប្រធាន​គណបក្សប្រឆាំង​ ត្រូវ​បាន​សមត្ថកិច្ច​ចាប់ខ្លួន​កាលពី​រំលង​អធ្រាត្រ​ថ្ងៃ​ទី​០៣​ ខែកញ្ញា​នៅផ្ទះ​របស់​លោក​នៅ​ខណ្ឌទួលគោក​ ដោយ​គ្មាន​ដីកា​ និង​បាន​ បញ្ជូន​ទៅ​ឃុំខ្លួន​ភ្លាមៗ​ ពន្ធនាគា​ត្រពាំង​ផ្លុ​ង​ ស្ថិត​ក្នុង​ខេត្ត​ត្បូងឃ្មុំ​។​

​ក្រុម​មេធាវី​របស់​លោក​ កឹ​ម​ សុខា​ គ្រោង​នឹង​ដាក់​លិខិតស្នើ​សុំ​ផ្ទេរ​ការ​ឃុំខ្លួន​មេ​បក្ស​ប្រឆាំង​ពី​ពន្ធនាគារ​ត្រពាំង​ផ្លុ​ង​ខេត្ត​ត្បូងឃ្មុំ​ មក​ពន្ធនាគារ​ព្រៃ​ស​រាជធានី​ភ្នំពេញ​។​
​ជុំវិញ​ការ​ចាប់ខ្លួន​គណបក្សប្រឆាំង​គណបក្ស​សង្គ្រោះ​ជាតិ​ និង​អន្តរជាតិ​នានា​បាន​សេចក្តី​ថ្លែង​ការ​ថ្កោលទោស​យ៉ាង​ខ្លាំង​អំពី​ការ​ធ្លាក់​ចុះ​លទ្ធិប្រជាធិបតេយ្យ​នៅ​កម្ពុជា​ក្នុង​រយៈពេល​ចុង​ក្រោយ​នេះ​។​ ទាំង​បក្ស​ប្រឆាំង​ និង​អន្តរជាតិ​ទាមទារ​ឲ្យ​ដោះ​លែង​លោក​ កឹ​ម​ សុខា​ ជា​បន្ទាន់​៕

Share

Image
Image
Image