វ៉ាស៊ិនតោន ៖ អ្នកសិក្សាអំពីសង្គ្រាម អាមេរិក-កូរ៉េខាងជើ់ង ដែលជានាយកវិទ្យាស្ថាន សិក្សាការពារជាតិ នៃមជ្ឈមណ្ឌលជាតិអាមេរិក លោក Harry Kazianis បានប្រាប់បណ្ដាញផ្សាយព័ត៌មានប Fox News ថា បើសង្គ្រាមផ្ទុះឡើង មែននោះ គឺអាមេរិក -កូរ៉េខាងត្បូង និង ជប៉ុន រួមគ្នាវាយប្រហារ កូរ៉េខាងជើង ហើយ ២០នាទីប៉ុណ្ណោះនឹងធ្វើឱ្យរបប គីម ជុងអ៊ុន រលាយ។
លោក Harry Kazianis និយាយប្រាប់បណ្ដាញ Fox News ថា ទង្វើរបស់កូរ៉េខាងជើង ពិតចង់សាកសង្គ្រាមជាមួយអាមេរិក ហើយសង្គ្រាមនុយក្លេអ៊ែរទៀតផង។ តែបើដូច្នេះ គឺ គីម ជុងអ៊ុន នឹងធ្វើអត្តឃាតខ្លួនឯងទៅវិញទេ។ តែស្របពេលនេះ មានសេចក្ដីរាយការណ៍មកថា ក្រសួងការពារជាតិអាមេរិកនឹងបញ្ជូនាវាពិឃាដយ៉ាងតិច ៧៥គ្រឿង ទៅកាន់សមុទ្រកូរ៉េ ដើម្បីការពារនាវាធំៗ ៣គ្រឿងរបស់អាមេរិកដែលមានស្រាប់ហើយនោះ។ អ្នកសង្កេតការណ៍ព្រមានថា បើសហរដ្ឋអាមេរិក សម្រេចបញ្ជូនាវាពិឃាដដូចនេះ គឺជាការបញ្ជាក់ថា សហរដ្ឋអាមេរិក ត្រៀមលក្ខណៈរួចហើយដើម្បីធ្វើសង្គ្រាមប្រឆាំងនឹងកូរ៉េខាងជើង។
នាវាពិឃាតអាមេរិកប្រមាណជាង ១០គ្រឿងបានទៅដល់សមុទ្រកូរ៉េរួចហើយស្រមពេលដែលនាវាចម្បាំង ចំនួន ៣គ្រឿងដែលផ្ទុកយន្ដហោះចម្បាំង ៧០គ្រឿង និងកាំជ្រួច ៣០០ដើមក្នុងមួយគ្រឿងៗនោះ ក៏បានទៅដល់សមុទ្រកូរ៉េហើយដែរ។ ស្របពេលនេះ កាំជ្រួច “ថាអាដ” ដែលអាចបាញ់កម្ទេចកាំជ្រួចបាននោះ ត្រូវដាក់ពង្រាយអស់ហើយនៅតាមព្រំដែនកូរ៉េខាងត្បូង។
ការគ្រោងបញ្ជូននាវាពិឃាដនេះ គឺបន្ទាប់ពីកូរ៉េខាងជើង បានបាញ់សាកល្បងគ្រាប់បែក នុយក្លែអ៊ែអ៊ីដ្រូសែន ១គ្រាប់កាលពីថ្ងៃអាទិត្យ ចុងសប្ដាហ៍កន្លងទៅនេះ ប្រកបដោយជោគជ័យ ប៉ុន្ដែបានធ្វើឲ្យសហរដ្ឋអាមេរិកប្រតិកម្មយ៉ាងខ្លាំង។ ជាមួយគ្នានេះ ដែរមន្ទីរប៉ុងតាហ្គោន គ្រោងបញ្ជូនក្រុមអត្តឃាដដែលសម្លាប់ អូសាប៊ិនឡាឌែន ទៅធ្វើឃាត គីម ជុងអ៊ុន ឱ្យបានមុនសង្គ្រាមផ្ទុះឡើង។ ក្រុមអត្តឃាតនេះ គឺ Navy Seal Team Six។ ក្រុមនេះបានចូលទៅប្រទេសប៉ាគីស្ថាន នៅឆ្នាំ ២០១១ ហើយប៉ុន្មានសប្ដាហ៍ក្រោយ បានសម្លាប់លោក ប៊ិនឡាឌែន បានដោយជោគជ័យ។ លោក ប៊ិនឡាឌែន គឺជាមេបណ្ដាញភេរវកម្ម អាល់កៃដា៕ ប្រភព ៖ fox news and Mirror news
