ភ្នំពេញ៖សម្តេចនាយករដ្ឋមន្រ្តី ហ៊ុន សែន ប្រកាសថា ចាប់ពីពេលនេះទៅ ចំពោះស្រ្តីសម្រាលកូន ទោះក្នុងប្រព័ន្ឋ ឬក្រៅប្រព័ន្ឋ នឹងទទួលបានប្រាក់ឧបត្ថម្ភពីរដ្ឋាភិបាល ដោយរដ្ឋាភិបាលបានត្រៀមថវិកាប្រមាណ១០លានដុល្លារក្នុងមួយឆ្នាំៗដើម្បីទុកជួយ ឧត្ថបម្ភ។
ថ្លែងក្នុងពិធីសំណេះសំណាលជាមួយកម្មករនិយោជិតជាង១ម៉ឺននាក់ នៅសួនឧស្សាហកម្មកាណាឌីយ៉ា នៅទី០៦ កញ្ញា ២០១៧ បានឱ្យដឹងថា ចំពោះស្រ្តីសម្រាលបាន កូន(១)គឺទទួលថវិកា៤០ម៉ឺនរៀល។ បើសម្រាលបានកូនភ្លោះ (២) គឺទទួលបានថវិកា៨០ម៉ឺនរៀល បើសម្រាលបានកូន(៣) គឺទទួលបានថវិកា១លាន២សែនរៀល រួមនឹងបូកប្រាក់ឧបត្ថម្ភពីសម្តេចបន្ថែមទៀត។
សម្តេចបានឱ្យដឹងថា បេឡាសន្តិសុខសង្គមរបស់រាជរដ្ឋាភិបាល គឺនឹងត្រៀមថវិកាប្រមាណ១០លានដុលារក្នុង១ឆ្នាំៗដើម្បីជួយគាំពារស្រ្តីសម្រាលកូន។ ទោះបីកូននោះកើតរស់ឬ ស្លាប់គឺនៅទទួល បានថវិកាដូចគ្នា៕
