ចាហ្គាតា ៖ តុលាការប្រឆាំងអំពើពុករលួយនៃប្រទេសឥណ្ឌូនេស៊ី បានសម្រេចផ្តន្ទាទោស ចៅក្រមម្នាក់ របស់តុលាការរដ្ឋធម្មនុញ្ញនៃប្រទេសរយ:ពេល ៨ឆ្នាំ ករណីទទួលប្រាក់សំណូក ។ សាលក្រម បានធ្វើឡើង ដោយចៅក្រម ៥នាក់របស់តុលាការប្រឆាំងអំពើពុករលួយ។
តុលាការបាន និយាយថា លោក Patrialis Akbar ជាចៅក្រមរដ្ឋធម្មនុញ្ញ ដែលរកឃើញ បានទទួលប្រាក់ ជាច្រើនពាន់ដុល្លារ ពីក្រុមហ៊ុន មួយរបស់ប្រទេសនេះ។ ជនជាប់ចោទនេះ ត្រូវបានចាប់ខ្លួនតាំងពីខែមករា មកម្លេះ។ កាលពីឆ្នាំ ២០១៤ លោក Akil Mohtar ដែលជាប្រធានរដ្ឋធម្មនុញ្ញត្រូវបានកាត់ទោសអស់មួយជីវិត ករណីទទួលប្រាក់សំណូកដូចគ្នានេះដែរ៕ប្រភព: AP
