បាងកក ៖ រថភ្លើងបានបុកឡានមួយគ្រឿងដែលបើកឆ្លងកាត់ផ្លូវដែក អូសជាង ២០០ម៉ែត្រ ទើបឈប់ ក៏ប៉ុន្ដែមិនបានបង្កឲ្យអ្នកបើករថយន្ដនោះគ្រោះថ្នាក់នោះឡើយ។
លោកអធិការស្រុក ឈូនផុន Sayan Duprawat បាននិយាយថា គ្រោះថ្នាក់នេះកើតឡើងដោយសារតែឡានភីកអាប់ នោះបើកឆ្លងផ្លូវរថភ្លើងខណៈរថភ្លើងកំពុងធ្វើដំណើរ ដោយគ្មានការប្រុងប្រ័ត្ន និងអ្នកបើកមិនបានមើលស្លាកសញ្ញាហាមឃាត់។
លោក Winyu Namprapha អ្នកបើកបរថយន្ដ អាយុ ៣១ ឆ្នាំ ជនជាតិថៃ បានផ្ដល់បទសម្ភាសន៍អ្នកកាសែត ថៃ The Nation ថា លោកបានធ្វើដំណើរដោយដឹកទំនិញពីខេត្ដ រ៉យអេត ទៅខេត្ដ ឈូផុន ក៏ប៉ុន្ដែលោកបានវង្វេងផ្លូវខណៈមកដល់ក្បែរផ្លូវរថយភ្លើងនេះ។ លោកក៏បានបើមើលផែនទីក្នុងទូរស័ព្ទដៃ ដោយបើកបរតាមការចង្អុលបង្ហាញពីផែនទីនោះ រហូតដល់ផ្លូវរថភ្លើង ក៏ប៉ុន្ដែលោកមិនបានដឹងឡានរបស់លោក បានបើកឆ្លងលើផ្លូវរថភ្លើងនោះទេ៕
