ញ៉ូដេលី ៖ រយៈពេលជាង ១១ឆ្នាំករណីប៉ូលីសចាប់រំលោភស្ដ្រីកុលសម្ព័ន្ធ Vakapalle ទើបតែអាជ្ញាធម៌ចេញបញ្ជាឲ្យមានការស៊ើបអង្កេតករណីរបស់ពួកគេ ដែលការនេះ ស្ដ្រីទាំងនោះសម្ដែងការខកចិត្ដជាខ្លាំងចំពោះរដ្ឋាភិបាលប្រទេសនេះ ដែលហាក់មិនផ្ដល់តម្លៃសម្រាប់ពួកនាង។
កាលពីឆ្នាំ២០០៧ ប៉ូលីសនៅតំបន់ ហ្គ្រេហ៊ូដ បានចាប់រំលោភស្ដ្រីកុលសម្ព័ន្ធចំនួន ១១នាក់ ហើយកាលនោះ តុលាការកំពូលបានចេញបញ្ជាឲ្យធ្វើការស៊ើបអង្កេតករណីនេះ ឲ្យបានឆាប់ដើម្បីផ្ដល់យុត្ដិធម៌ជួនពួកនាង ក៏ប៉ុន្ដែបញ្ជានេះ មិនបានអនុវត្ដនោះទេ ដោយអូសបន្លាយរហូតដល់ឆ្នាំ ២០១៧ នេះ ទើបមានការចាត់វិធានការណ៍ ក្រោយពេលដែលស្ដ្រីទាំង ១១នាក់នោះ បន្ដការតវ៉ាមិនឈប់។
ករណីនេះ ត្រូវបានចៅក្រមពីរ នៃតុលាការកំពូល លោក Arun Mishra និង Shantana Goudar សម្ដែងការភ្ញាក់ផ្អើលជាខ្លាំងជុំវិញករណីដែលបានអូសបន្លាយជាង ១ទសវត្សនេះ។ រឿងរ៉ាវនេះបានកើតឡើងនៅថ្ងៃទី 20 ខែសីហាឆ្នាំ 2007 នៅក្នុងតំបន់មួយនៃស្រុក វាសនាប៉ាថេន នៅក្នុងភូមិកុលសម្ព័ន្ធមួយដែលមានឈ្មោះថា Vakapalle ក្នុងតំបន់ G Madugula ៕ ប្រភពពី Indian Express
