ប្រទេសហុងគ្រីមានការលំបាកក្នុងការអនុម័តច្បាប់ថ្មី ចំពោះជនចំណាកស្រុក ហើយបាននិយាយថានឹង “ចាប់ផ្ដើមសម័យថ្មីមួយ» នៅក្នុងការទប់ស្កាត់លំហូរចូលនៃជនអន្តោប្រវេសន៍ខុសច្បាប់។
តាមប្រភពព័ត៌មានBBC News បានផ្សាយនៅព្រឹកថ្ងៃទី១៥ ខែកញ្ញា ឆ្នាំ២០១៥ ឲ្យដឹងថា ឥឡូវនេះ ប៉ូលិសអាចឃុំឃាំងនរណាម្នាក់ ដែលព្យាយាមឆ្លងកាត់របងបន្លាលួសសាងសង់ឡើងនៅលើព្រំដែនជាមួយប្រទេសស៊ែប៊ី។
ប្រទេសហុងគ្រីបានក្លាយទៅជាគោលដៅសំខាន់ របស់ជនចំណាកស្រុករាប់ពាន់នាក់មកពីមជ្ឈិមប្រទេស និងអាហ្វ្រិកឆ្លងកាត់ ។
កាលពីថ្ងៃចន្ទដើមសប្ដាហ៍នេះ រដ្ឋមន្ត្រីសហភាពអឺរ៉ុបបានបរាជ័យក្នុងការឯកភាពជាឯកច្ឆ័ន្ទ លើកូតាចាំបាច់ ដើម្បីប្តូរអ្នកស្វែងរកសិទ្ធិជ្រកកោន ១២០.០០០ នាក់។
ច្បាប់ហុងគ្រីថ្មីបានចូលជាធរមានកាលពីថ្ងៃចន្ទនៅកណ្តាលអាធ្រាត្រ ម៉ោង២២:០០ ។
ចាប់ពីពេលនេះ នរណាម្នាក់ដែលបានឆ្លងដែនខុសច្បាប់ នឹងប្រឈមមុខនឹងការចោទប្រកាន់ព្រហ្មទណ្ឌ ហើយនិងមានចៅក្រម ៣០ នាក់ត្រូវបានគេដាក់ឲ្យស្ថិតក្នុងការរង់ចាំដើម្បីកាត់ទោសជនល្មើស។
ច្បាប់នេះបានបង្កើតជាបទល្មើសព្រហ្មទណ្ឌចំពោះការបំផ្លាញរបងនៅតាមបន្ទាត់ព្រំដែន គឺត្រូវផ្ដន្ទាទោសដាក់ពន្ធនាគារ ឬការនិរទេស។ របងព្រំដែនថ្មីរវាងប្រទេសប្រទេសហុងគ្រី និស៊ែប៊ី សាងសង់ឡើងមានកម្ពស់បួនម៉ែត្រ មានបណ្តោយ ១៧៥ គីឡូម៉ែត្រ៕
ហុងគ្រីជួបការលំបាកក្នុងការអនុម័តច្បាប់ថ្មីទាក់ទិននឹងជនអន្តោប្រវេសន៍ខុសច្បាប់
Share
Share
ព័ត៌មានទាក់ទង
