ក្រុងភ្នំពេញ៖  ប្រមុខរាជរដ្ឋាភិបាល សម្តេចនាយករដ្ឋមន្រ្តី ហ៊ុន សែន បានចេញសេចក្តីសម្រេចមួយដោយកំណត់យកថ្ងៃទី ២៩ កក្កដា ឆ្នាំ ២០១៨ ជាកាលបរិច្ឆេទនៃការបោះឆ្នោតសភា នីតិកាលទី ៦។ ស្របពេលនេះដែរ សង្គមស៊ីវិលបានសម្តែងក្តីសាទរ ដោយចាត់ទុកធ្វើតាមការកំណត់របស់ច្បាប់ គឺរយៈ៩ខែ មុនការបោះឆ្នោត។

លោក សេរី វឌ្ឍនៈ រាយការណ៏៖

សេចក្តីសម្រេចរបស់ រាជរដ្ឋាភិបាល ដែលបានកំណត់យកថ្ងៃអាទិត្យ ទី២៩ ខែកក្កដា ឆ្នាំ២០១៨ ជាថ្ងៃនៃការបោះឆ្នោតជ្រើសតាំងតំណាងរាស្ដ្រនីតិកាលទី៦ ធ្វើឡើងដោយ ប្រមុខរាជរដ្ឋាភិបាល សម្ដេច ហ៊ុនសែនចុះ ហត្ថលេខា កាលពីថ្ងៃទី២៨ កក្កដា ឆ្នាំ២០១៧នេះ។

បើតាមសេចក្ដីប្រកាសដដែលនេះ រាជរដ្ឋាភិបាលបញ្ជាឲ្យក្រសួងមហាផ្ទៃ និងស្ថាប័នពាក់ព័ន្ធ អនុវត្តសេចក្ដីសម្រេចនេះ ចាប់ពីថ្ងៃចុះហត្ថលេខានេះទៅ។

ស្របពេលនេះ ដែរ សង្គមស៊ីវិលបានសាទរចំពោះរដ្ឋាភិបាល។

លោក កនសាវាង្ស មន្រ្តីកម្មវិធីជាន់ខ្ពស់ផ្នែកអង្កេត នៃអង្គការឃ្លាំមើលការបោះឆ្នោតនៅកម្ពុជាហៅកាត់ថា ខុមហ្រ្វែល បានប្រាប់មកកាន់វិទ្យុស្រ្តី ថា ការដែលរដ្ឋាភិបាលចេញសេចក្តីប្រកាសពីការបរិច្ឆេទបោះឆ្នោត បានលឿនធ្វើឱ្យអង្គការសង្គមស៊ីវិលអាចត្រៀមខ្លួន គ្រប់គ្រាន់ក្នុងការចុះមូលដ្ឋាន ផ្សព្វផ្សាយ និង អប់រំពីដំណើរការនៃការបោះឆ្នោតដែលអាចឲ្យប្រជាពលរដ្ឋ មានសិទ្ធិគ្រប់គ្រាន់ក្នុងការកំណត់ វាសនារបស់ប្រទេសជាតិ។

លោក សាទរ រាជរដ្ឋាភិបាល ដែល បាន ចេញសម្រេចដូចនេះ។

លោក កន សាវាង្ស៖ « សម្រាប់យើងជា អង្គការផ្សេង តែងតែមានក្តីសប្បាយរីករាយ ពិព្រោះអីកាលណាបើយើងបានពេលវេលាច្បាស់លាស់កំណត់ការបោះឆ្នោត គឺយើងអាចត្រៀមខ្លួនរួចរាល់តាំងពីសម្ភារៈ តាំងពិកិច្ចការផ្សេងៗ ដើម្បីអប់រំឲ្យប្រជាពលរដ្ឋយើងមានការត្រៀមខ្លួន ក្នុងការចុះឈ្មោះបោះឆ្នោតដែលចាប់ពីខែ ១ ទៅដល់ ខែ សីហានោះផងដែរបាទ! ។

ចំណែកលោក សំ គន្ធាមី នាយកប្រតិបត្តិនៃអង្គការមួយឃ្លាំមើលការបោះឆ្នោត ហៅថា និចហ្វិក ក៏បានបង្ហាញពីក្តីសាទរស្រដៀងនឹង លោក កន សាវាង្សដែរ។ លោកថា ជំហររបស់រាជរដ្ឋាភិបាលដូចនេះគឺ ច្បាស់លាស់ ធ្វើឱ្យមានភាពងាយស្រួល ដល់ការត្រៀមខ្លួន របស់យុវជន ដែលមានអាយុគ្រប់ការបោះឆ្នោតតែមិនទាន់បានទៅចុះឈ្មោះ ឲ្យបានទៅចុះឈ្មោះបោះឆ្នោត បានទាន់ពេលវេលា។

លោក សំ គន្ធាមី ៖ « សូមអបអរសាទរ នឹង សម្តែងការស្វាគមន៏ដល់ការកំណត់ថ្ងៃបោះឆ្នោត ព្រោះអីខ្ញុំរងចាំយូរដែលហើយ ហើយខ្ញុំក៏បានលើកឡើងក្នុងសន្និបាត ដែរយើងអាចមានការត្រៀមខ្លូនបានគ្រប់គ្រាន់ហើយយើងធ្វើការទាំងអស់គ្នាទាំង NGO ទាំង សង្គមស៊ីវិលបាទ!។

ខណៈពេល នេះដែរលោក ហង្ស ពុទ្ធា អ្នកនាំពាក្យនៃគណៈកម្មការជាតិរៀបចំការបោះឆ្នោត មានប្រសាសន៍ថា លោក ក៏ចូលរួម សាទរដែរ។តែលោក ថាការចេញសេចក្ដីសម្រេចនេះ ដោយអនុលោមតាមច្បាប់។

លោក ហង្សពុទ្ធា៖ នេះមិនមែនជារឿងចម្លែកទេណាស់ មិនមែនលើកទី១ នោះទេ ពីព្រោះច្បាប់ចែងថា យ៉ាងហោច៩ខែ រដ្ឋាភិបាលលោកនឹងប្រកាសនៅកាលបរិច្ឆេទ នៅខែបោះឆ្នោត នេះគឺជាច្បាប់ អញ្ជឹងពីមុនមកក៏នាយករដ្ឋមន្រ្តី លោកបានប្រកាសបែបនេះដែរបាទ! ។

យោងតាមសេចក្តីប្រកាសព័ត៌មាន របស់ គ.ជ.ប ការចុះបញ្ជីបច្ចុបន្បភាព សម្រាប់ឆ្នាំ ២០១៧ នឹងត្រូវធ្វើឡើងរយៈពេល៣ខែ ដោយចាប់ពីថ្ងៃ ទី ១ កញ្ញាដល់ថ្ងៃទី៩ វិច្ឆិកា ឆ្នាំ២០១៧ ខណៈបញ្ជីចាស់ មានអ្នកចុះឈ្មោះបោះឆ្នោតបានជិត៨លាននាក់៕