ជនបរទេសដែលជាគ្រូបង្រៀន និងជានាយករងសាលាអន្តរជាតិ GOLDEN BRIDGE ត្រូវព្រះរាជអាជ្ញារងសាលាដំបូងរាជធានីភ្នំពេញ សម្រេចចោទប្រកាន់ពី បទ «ប្រទូស្តកេរ្តិ៍ខ្មាសមានស្ថានទម្ងន់ទោស» តាមមាត្រា២៤៦ និងមាត្រា២៤៨នៃក្រមព្រហ្មទណ្ឌ។
លោក លី សុផាណា អ្នកនាំពាក្យអយ្យការអមសាលាដំបូងរាជធានីភ្នំពេញ បានប្រាប់វិទ្យុស្រ្តីតាមបណ្តាញតេឡេក្រាម កាលពីរសៀលថ្ងៃទី១៧ កក្កដាថា លោក សៀង សុខ ព្រះរាជអាជ្ញារង បានបើកការសើបសួរ ដោយចោទប្រកាន់លើឈ្មោះ Mark Andrew Smith ពីបទ ប្រទូស្តកេរ្តិ៍ខ្មាសមានស្ថានទម្ងន់ទោសទាក់ទងនឹងជនរងគ្រោះ តាមមាត្រា២៤៦ និងមាត្រា២៤៨ នៃក្រមព្រហ្មទណ្ឌ ហើយបញ្ជូនទៅចៅក្រមស៊ើបសួរដើម្បីចាត់ការបន្តតាមនីតិវិធី។
មាត្រា២៤៦ នៃក្រមព្រហ្នទណ្ឌ ចែងថាស្ថានទម្ងន់ទោសដោយប្រើមធ្យោបាយប្រើប្រាស់ ឬទាក់ទងនឹងចារី ត្រូវផ្តន្ទាទោស២ទៅ៥ឆ្នាំ ពិន័យជាប្រាក់៤លាន់រៀល ទៅ១០លានរៀល
លោក Mark Andrew Smith ត្រូវបានកម្លាំងនគរបាលនាយកដ្ឋានប្រឆាំងការជួញដូរមនុស្ស និងការពារអនីតិជន នៃក្រសួងមហាផ្ទៃចាប់ខ្លួន កាលពីល្ងាចថ្ងៃទី២១ ខែកក្កដា ឆ្នាំ២០១៧ ស្ថិតនៅសាខាខណ្ឌទួលគោក បន្ទាប់ពីរងការចោទប្រកាន់ថា គ្រូបរទេសដែលបង្រៀននៅសាលាអន្ដរជាតិ GOLDEN BRIDGE International School រូបនេះ បាននាំក្មេងស្រីជាសិស្ស សាលាអាយុ ៥ឆ្នាំ នាំទៅរួមភេទដល់ផ្ទះ៕
