រុស្ស៊ី៖ទីបំផុតព្រឹទ្ធសភាអាមេរិកដ៏មានឥទ្ធិពល បានអនុម័ត ដាក់ទណ្ឌកម្មលើប្រទេសរុស្ស៊ី ទោះបីរុស្ស៊ី ព្រមានក៏ដោយ ដែលធ្វើឱ្យលោកត្រាំពិបាកធ្វើការសម្រេចចិត្តថាតើ ត្រូវចុះហត្ថលេខា ឱ្យចូលជាធរមាន ឬដូចមេ្ដច។
តាមបណ្ដាញផ្សាយព័ត៌មាន Channel News Asia ក្នុងចំណោមសមាជិកព្រឹទ្ធសភា ១០០នាក់ មានតែ ២នាក់ ប៉ុណ្ណោះដែលបោះឆ្នោតជំទាស់។
មេដឹកនាំសំឡេងភាគច្រើន នៃព្រឹទ្ធសភា Chuck Schumer បាននិយាយថា គម្រោងច្បាប់នេះ គឺជា សំដៅ ប្រឆាំង លោកប្រធានាធិបតីពូទីន ដែលជ្រៀតជ្រែកចូលកិច្ចការផ្ទៃក្នុងអាមេរិក នៅថ្ងៃបោះឆ្នោត។
ស្របពេលនេះដែរ សមាជិកព្រឹទ្ធសភាជើងចាស់ និងជាប្រធានគណៈកម្មាធិការសេវាកម្មសព្វាវុធបានសាទរ។ គំរោងច្បាប់នេះ សំដៅលើប្រទេសរុស្ស៊ីចូលជ្រៀតជ្រែកកិច្ចការបោះឆ្នោតអាមេរិកនិងករណីរុស្ស៊ីដណ្ដើម យកតំបន់គ្រីមៀរ ធ្វើជាឧបសម្ព័ន្ធរបស់ខ្លួនដោយយកពីប្រទេសអ៊ុយក្រែន។
បន្ថែមលើនេះ Channel News Asia ថា ព្រឹទ្ធសភាក៏បានដាក់ទណ្ឌកម្ម លើ ប្រទេសកូរ៉េខាងជើង និងអេរ៉ង។យ៉ាងនេះ ក្ដី គឺជាការពិបាកបន្តិច សម្រាប់ លោកដូណាល់ត្រាំ ដែលគេថារុស្ស៊ី នៅពីក្រោយ ថាតើនឹងធ្វើសេចក្ដីសម្រេច បែបណា បើ ព្រឹទ្ធសភា អនុម័តដោយ សំឡេងឯកច្ឆ័ន ទៅហើយនោះ ៕ ប្រភពៈCNA
