ភ្នំពេញ៖ប្រទេសកម្ពុជាបានសម្រចគោលដៅធ្វើតេស្តស្វែងរកជំងឺអេដស៍និងផ្តល់ការព្យាបាលតាមគោលទិសដៅ ៩០ ៩០ ៩០ របស់អង្គការសហប្រជាជាតិ ប្រកបដោយជោគជ័យ។

យោងតាមសេចក្តីប្រកាសព័ត៌មានរបស់ក្រសួងសុខាភិបាលនៅថ្ងៃអង្គារនេះ ប្រទេសកម្ពុជាគឺជាប្រទេសមួយក្នុងចំណោមប្រទេសចំនួនប្រាំពីរតែប៉ុណ្ណោះក្នុងពិភពលោកដែលបានសម្រេចគោលដៅនេះ។

ទិសដៅ៩០ ៩០ ៩០គឺមានន័យថា ៩០ភាគរយនៃអ្នកផ្ទុកមេរោគអេដស៍ដឹងខ្លួនថាខ្លួនមានជំងឺនេះ។ ៩០ភាគរយនៃអ្នកផ្ទុកមេរោគអេដស៍បានទទួលការព្យាបាលនិង៩០ភាគរយនៃអ្នកជំងឺដែលបានទទួលការព្យាបាលមានមេរោគអេដស៍ក្នុងឈាមតិចបំផុត។

សេចក្តីប្រកាសព័ត៌មានដដែលបញ្ជាក់ថាអ្នកជំងឺដែលទទួលការព្យាបាលចំនួន៨០ភាគរយក្នុងប្រទេសកម្ពុជាត្រូវរកឃើញថាមានបន្ទុកមេរោគអេដស៍ក្នុងឈាមទាបបំផុត៕