ក្រុងចាកាតា៖ ស្ថាប័នប្រឆាំងអំពើពុករលួយនៃប្រទេសឥណ្ឌូណេស៊ីចាប់ផ្ដើមស៊ើបបអង្គេត សមាជិកនៃរដ្ឋសភាម្នាក់ករណីប្រព្រឹត្តអំពើពុករលួយដែលធ្វើឲ្យបាត់បង់លុយ ១៧៣ លានដុល្លា ពាក់ព័ន្ធនឹងការប្រើប្រាស់មូលនីធិ អត្តសញ្ញាណប័ណ្ណពលរដ្ឋ។
គណៈកម្មការលុបបំបាត់អំពើរពុករលួយ បានកំណត់ថាអ្នកនយោបាយតែមួយគត់ដែលពាក់ព័ន្ធករណីនេះគឺប្រធានរដ្ឋសភា លោក SetyaNovanto ។ លោក មកពីគណបក្សធំទីរបស់ ប្រទេសគឺគណបក្ស Golkarរបស់អតីតជនផ្ដាច់ការសូហាតូ។
ប្រធានគណៈកម្មការលុបបំបាត់អំពើរពុករលួយ លោកAgusRahardjo បាននិយាយថាជនសង្ស័យបានព្យាយាមកេងចំណេញ នៅពេលដែលមានការធ្វើកាតអេឡិចត្រូនិចឬហៅថា e-KTP ដែលបានដាក់អនុម័តឲ្យប្រើនៅឆ្នាំ ២០១១ និង ឆ្នាំ២០១២។
អ្នកនាំពាក្យ NurulArifin នៃគណបក្ស Golkar បានប្រាប់អ្នកកាសែតថា៖ ពួកយើងបានរង់ចាំនូវលទ្ធផលដែល KPK បានសង្ស័យថាលោក SetyaNovanto គឺជាជនសង្ស័យ។ គណបក្សយើងនឹងធ្វើតាមរាល់ដំណើរការនៃការប្រតិបត្តិច្បាប់ ។
អ្នកវិភាគគិតថាករណីនេះគឺជារឿងអាស្រូវដ៏ធំរបស់មន្ត្រីជាន់ខ្ពស់ ម្នាក់នៃគណបក្សដែលធ្លាប់កាន់អំណាចជាច្រើនអាណត្តិមកហើយ៕ ប្រភពៈCNA
