ភ្នំពេញ៖សមាជិកព្រឹទ្ធសភាចំនួន៤២រូបមកពីគណបក្សប្រជាជនកម្ពុជានៅព្រឹកថ្ងៃអង្គារ៍ទី ១៨ កក្កដានេះ បានអនុម័តសេចក្តីស្នើវិសោធនកម្មច្បាប់ស្តីពីគណបក្សនយោបាយ។ច្បាប់ដែលចែងហាមឃាត់ទណ្ឌិតក្នុងការធ្វើនយោបាយនិងរារាំងគណបក្សនយោបាយក្នុងការប្រើប្រាស់ផលប្រយោជន៍ពីទណ្ឌិត។
ច្បាប់ស្តីពីគណបក្សនយោបាយដែលទើបនឹងធ្វើវិសោធនកម្មនៅថ្ងៃនេះមាន ១១ ជំពូក និង៥០មាត្រា។
ច្បាប់នេះត្រូវក្រុមតំណាងរាស្ត្រមកពីគណបក្សកាន់អំណាចធ្វើវិសោធនកម្មរួចម្តងហើយ។ប៉ុន្តែព្រះមហាក្សត្រមិនបានឡាយព្រះហស្ថលេខាផ្តល់សុពលភាពច្បាប់នេះនោះទេដោយសារព្រះអង្គត្រូវយាងទៅកាន់ប្រទេសចិន។
យោងតាមច្បាប់វិសោធនកម្មថ្មីនេះក្រសួងមហាផ្ទៃមានសិទ្ធិប្តឹងសុំរំលាយគណបក្សចោលប្រសិនបើរកឃើញថាមេដឹកនាំគណបក្សនយោបាយបានប្រព្រឹត្តិបទឧក្រិដ្ឋធ្ងន់ធ្ងរ៕
