ភ្នំពេញ៖ សកម្មជនការពារព្រៃទ្បង់ប្រំារូបប្រចំាខេត្តព្រះវិហារ ត្រូវបានប្រកាសឱ្យចូលកាន់ដំណែងជាមន្រ្តីឧទ្យាននុរក្សនៅមន្ទីរបរិស្ថានខេត្តព្រះវិហារ។ ការប្រកាសចូលកាន់ដំណែងនេះធ្វើទ្បើងកាលពីថ្ងៃទី៧ កក្កដា ឆ្នំា២០១៧ នៅទីស្តីការក្រសួងបរិស្ថាន។
យោងតាមគេហទំព័រហ្វេសប៊ុកក្រសួងបរិស្ថានចុះផ្សាយនៅថ្ងៃទី១១ កក្កដា ម្សិលមិញថា សកម្មជនប្រំារូបប្រចំាខេត្តព្រះវិហារ ដែលបានក្លាយជាមន្រ្តីក្រសួងបរិស្ថាននោះរួមមាន៖
-លោកទិត្យ ពិជ័យ អាយុ៣០ឆ្នំា ជាអ្នកការពារព្រៃទ្បង់តំាងពីឆ្នំា២០០៨។
-លោក នួន វ៉ាន់ស៊ុយ អាយុ២៣ឆ្នំា ជាសកម្មជនការពារព្រៃទ្បង់តាំងពីឆ្នំា២០១៤។
-លោក-ជ័យ មេន អាយុ២៥ឆ្នំា ជាសកម្មជនការពារព្រៃទ្បង់តំាងពីឆ្នំា ២០១១។
-លោក អ៊ុច សាន់ អាយុ៣៩ឆ្នំា និងចុងក្រោយយុវជន យ៉ាន់ ផាន់ណា វ័យ១៩ឆ្នំា។
លោក នួន វ៉ាន់ ស៊ុយបញ្ជាក់ថា នៅពេលដែលគាត់ជាអតីតសកម្មជនព្រៃទ្បង់បានក្លាយជាមន្រ្តីបរិស្ថាននោះប្តេជ្ញាចិត្តការពារព្រៃទ្បង់ដែលគាត់ធ្លាប់ការពារតំាងពីយូរណាស់មកហើយ។
ដោយទ្បែកលោក ទិត្យ ពិជ័យ លើកទ្បើងដែរថា ចាប់ពីពេលនេះតទៅ លោកនឹងមានអាវក្រោះស្របច្បាប់ដើម្បីការពារព្រៃ និងមានយន្តការគ្រប់គ្រាន់ ក៏ដូចជាសម្ភារៈដើម្បីការពារព្រៃ ហើយក្រុមលោកផ្ទាល់នឹងអាចការពារព្រៃបានយ៉ាងប្រសិទ្ធភាពលែងត្រូវទទួលរងការគំរាមកំហែងពីជនល្មើសទៀតហើយ។ ព្រៃឡង មានផ្ទៃដី ជាង ៤០ម៉ឺនហិចតា ដោយជាប់នឹងខេត្តចំនួន ៤ គឺខេត្តក្រចេះ កំពង់ធំ ព្រះវិហារ និង ស្ទឹងត្រែង៕
