បណ្ដាញផ្សាយព័ត៌មាន CBS បានចុះផ្សាយថា មន្ទីរប៉ុងតាហ្កូន ពិចារណាបង្ហាញកម្លាំងទ័ពទ្រង់ទ្រាយធំប្រឆាំងកូរ៉េខាងជើង ដែលជាការឆ្លើយតបកូរ៉េខាងបាញ់សាកល្បងម្ដងទៀតនូវកាំជ្រួចអន្តរជាតិទ្វីបកាលពីថ្ងៃទី ៤ កក្កដា ហើយអាចបាញ់ដល់រដ្ឋអាឡាស្កាអាមេរិក ។
បណ្ដាញ CBS បញ្ជាក់ថា ជម្រើសការប្រើកម្លាំងទ័ព គឺជារឿងចុងក្រោយបំផុតដែលអាមេរិកអស់ភាពអត់ធ្មត់។ កូរ៉េខាងជើងប្រកាសថា ខ្លួនបានជោគជ័យក្នុងការបាញ់កាំជ្រួចអន្តរទ្វីប ICBM ជាលើកទី២ ដោយរត់បានចំងាយ ជិត ១០០០គីឡូម៉ែត្រ ហើយប្រើតែ ៣៨នាទីប៉ុណ្ណោះ។
មេបញ្ជាការកងទ័ពអាមេរិកម្នាក់ប្រចាំអាស៊ីប៉ាស៊ីហ្វិក ដែលស្រង់ដោយប្រភព CBS លោកជឿថា កូរ៉េធ្វើដូចនេះគ្រាន់តែប្រាប់ថា ខ្លួនមានហេតុផលគ្រប់គ្រាន់នឹងគំរាមប្រទេសជិតខាង។ យ៉ាងណាក៏ដោយ បណ្ដាញផ្សាយព័ត៌មាន Channel News Asia បានរាយការណ៍ថា អាមេរិក និងកូរ៉េខាងត្បូង កាលពីព្រឹកថ្ងៃ ពុធ ទី៥ កក្កដា បានធ្វើសមយុទ្ធរួមគ្នាបាញ់កាំជ្រួចការពារដែនអាកាសរបស់ខ្លួន ។
យ៉ាងណាក៏ដោយអាមេរិកមាននាវាចម្បាំងធំៗ ៣គ្រឿង និងនាវាមុជទឹក ២គ្រឿង ហើយនៅចតក្នុងតំបន់នៃសមុទ្រជប៉ុន និងសមុទ្រកូរ៉េខណៈកងទ័ព ជិត ៣ម៉ឺននាក់បានទៅដល់កូរ៉េខាងត្បូង៕ ប្រភពៈCBS
