ភ្នំពេញ៖ ក្រសួងធនធានទឹក និងឧតុនិយម បានអំពាវនាវឲ្យប្រជាកសិករនៅតាមបណ្ដាខេត្តរាជធានីមួយចំនួនដូចជាខេត្ត រាជធានីភ្នំពេញ ខេត្តកំពង់ស្ពឺ ខេត្តតាកែវ ខេត្តកំពត និងខេត្តកណ្ដាល ឲ្យត្រៀមទឹកទុកក្នុងស្រែឲ្យបានល្អ ដោយសារតែនៅចុងខែកក្កដា និងដើមខែសីហា ឆ្នាំ២០១៧ អាចនឹងកើតមានកូនរដូវប្រាំង ក្នុងរយៈពេលពីរសប្តាហ៍។
ក្នុងសេចក្តីប្រកាសព័ត៌មានកាលពីថ្ងៃពុធក្រសួងធនធានទឹកបានអំពាវនាឲ្យក្រុមប្រជាពលរដ្ឋ«រៀបចំថែរក្សាទឹកទុកក្នុងស្រែឲ្យបានល្អ ។ ហើយក្នុងនោះ សូមប្រុងប្រយ័ត្ន ចំពោះបាតុភូត ខ្យល់ ផ្គរ រន្ទះ ដែលអាចកើតមានឡើង ជាពិសេសតំបន់វាលទំនាបកណ្ដាល»។
