សាលាឃុំរាធរ ស្ថិតក្នុងស្រុកព្រះស្ដេច ខេត្តព្រៃវែង ត្រូវបានអគ្គីភ័យលេបត្របាក់អស់ទាំងស្រុងកាលពីយប់ថ្ងៃ ច័ន្ទ ម្សិលមិញ។
តាមសមត្ថកិច្ច មូលហេតុដែលបង្កឱ្យមានភ្លើងឆេះកើតឡើង គឺបណ្តាលមកពី ផ្ទុះសេខ្សែភ្លើងបណ្តាលឱ្យឆ្លងចរន្តអគ្គិសនីបង្កជាអគ្គិភ័យតែម្តង។
សាលាឃុំដែលឆេះអស់គ្មានសល់នេះមាន ទំហំ ៧ម៉ែត្រគុណនឹង១២ម៉ែត្រ សង់ពីឈើប្រក់ស័ង្កសី។ អគ្គីភ័យបានបំផ្លាញទាំងស្រុង នូវសម្ភារ:មួយចំនួន រួមមាន ឯកសារសាធារណៈមួយចំនួន បន្ទះសូឡា១០ផ្ទាំង អាគុយ២ អំពូល៤ កុំព្យូទ័រ១គ្រឿង ម៉ាស៊ីនព្រីន១គ្រឿង ម៉ាស៊ីនថតចម្លង១គ្រឿង តុ៦ កៅអីជ័រ៣០ និងឯកសារមួយចំនួន៕
