ក្រុមហ៊ុន Samsung បានបញ្ចេញទូរស័ព្ទស៊េរីថ្មី ដែលបំពាក់ដោយគ្រឿងម៉ាស៊ីន របស់ Galaxy Note 7 ដែលកាលពីលើកមុន មានបញ្ហាដោយសារការផ្ទុះថ្មទូរស័ព្ទ។
ក្រុមហ៊ុន Samsung បាននិយាយថា ទូរស័ព្ទជំនាន់ថ្មី គឺជាស៊េរីចុងក្រោយគេបង្អស់ដែលជាការផលិតឡើងក្នុងការគាំទ្រផលិតផលដែលមិនប៉ះពាល់ដល់ធម្មជាតិ និង បរិស្ថាន។ ក្រុមហ៊ុន Samsung ក៏បាននិយាយទៀតថា ទូរស័ព្ទសេរីថ្មីមាន ប្រព័ន្ធសុវត្ថិភាពជាងមុន ហើយថ្មមានទំហំតូចជាងមុននឹងដាក់លក់នៅខែកក្កដា។
ក្រុមហ៊ុន Samsung បានបញ្ឈប់ការផលិតទូរស័ព្ទដែលមានប្រព័ន្ធថ្មមិនសូវមានសុវត្ថិភាព កាលពីចុងឆ្នាំមុន។ តែយ៉ាងណាទូរស័ព្ទជាង ២លាន៥ សែនគ្រឿងនឹងដាក់ឲ្យដំណើរការ លក់នៅលើទីផ្សារនៅខែកក្កដានេះហើយ៕
