សេតវិមានបានប្រកាសថា ខ្លួនសម្រេចដាក់ទណ្ឌកម្មសេដ្ឋកិច្ចជាលើកទីពីរទៀត ទៅលើអ្នកជំនួញចិនមួយចំនួនដែលនៅមានទំនាក់ទំនងរកស៊ីជាមួយកូរ៉េខាងជើង។
ផែនការនេះ ធ្វើឡើងបន្ទាប់ពីប្រធានាធិបតីអាមេរិក លោក ដូ ណាល់ត្រាំ បានជួបជាមួយ ប្រធានាធិបតីកូរ៉េខាងត្បូងនៅសេតវិមានកាលពីចុងសប្ដាហ៍នេះ ។
ពួកមន្ដ្រីសេតវិមានបាននិយាយថា គេនៅតែរកឃើញក្រុមហ៊ុនចិនមួយចំនួននៅតែលួចលាក់ការធ្វើជំនួញជាមួយកូរ៉េខាងជើង ដែលជាការរំលោភលើសេចក្ដីសម្រេចរបស់អង្គការសហប្រជាជាតិ។
កាលពីសប្ដាហ៍មុន សហរដ្ឋអាមេរិកបានប្រកាសថា គេរកឃើញក្រុមហ៊ុនចិនចំនួន ១០ បានជាប់ពាក់ព័ន្ធមុខជំនួញប្រេងឥន្ធនៈ ជាមួយកូរ៉េខាងជើង ។
ដោយសារដាក់កំហិតនេះ រដ្ឋាភិបាលចិនបានអះអាងថា ក្រុមហ៊ុនទាំងនោះបានសម្រេចព្យួរគម្រោងវិនិយោគរបស់ខ្លួនជាមួយកូរ៉េខាងជើងអស់ហើយ។
កូរ៉េខាងជើងរងការដាក់ទណ្ឌកម្មសេដ្ឋកិច្ចពីសហគមន៍អន្ដរជាតិ ដោយសារតែប្រទេសនេះ បានរំលោភលើច្បាប់អន្ដរជាតិដែលហាមសាយភាយអាវុធប្រល័យលោក៕ The Dallas Morning News
