អង្គការទស្សនៈពិភពលោកក្នុងប្រទេសកម្ពុជានឹងធ្វើការផ្សព្វផ្សាយវីដេអូចុងក្រោយមួយតាមបណ្តាញសង្គមដើម្បីផ្តល់ការអប់រំដល់សហគមន៍។
វីដេអូចុងក្រោយដែលមានចំណងជើងថា« វប្បធម៌ចែករំលែក»។គឺជាវីដេអូដែលនឹងផ្តោតលើកុមារនិងការផ្លាស់ប្តូរដើម្បីជីវិតរបស់ពួកគេ។
កន្លងមកអង្គការអន្តរជាតិនេះបានបង្ហាញខ្សែអាត់វីដេអូខ្លីចំនួនប្រាំរួចមកហើយដើម្បីផ្តល់ការអប់រំសម្រាប់សហគមន៍អំពីសារៈសំខាន់ នៃការអភិវឌ្ឍសហគមន៍ សុខភាព និងអាហារូបត្ថម្ភ ការអប់រំ ការការពារកុមារ ជាដើម។
មានការចូលទស្សនារាប់លាននាក់សម្រាប់ខ្សែវីដេអូកន្លងមក។
លោកគុច ភារុន ប្រធានផ្នែកទំនាក់ទំនងសាធារណៈ និងទីផ្សារនអង្គការទស្សនៈពិភពលោក បានលើកឡើងនៅក្នុងសេចក្តីប្រកាសព័ត៌មានរបស់ខ្លួននៅថ្ងៃសុក្រនេះថា វីដេអូខ្លីទាំងនេះសុទ្ធតែទទួលបានការគាំទ្រ ពីអ្នកទស្សនា ហើយរឿងទាំងនេះសុទ្ធតែផ្តល់ការអប់រំដល់សង្គម។ ជាក់ស្តែងដូចជារឿង«យុវជនសម័យឥឡូវ»មានអ្នកចូលទស្សនា១លានដង ក្នុងរយៈពេលតែ៤ថ្ងៃប៉ុណ្ណោះ៕
