មន្ត្រីជាន់ខ្ពស់អាមេរិក ២រូបទទួលបន្ទុកកិច្ចការសន្តិសុខ បានប្រាប់បណ្ដាញទូរទស្សន៍CNNថា លោក បានត្រៀមធ្វើការពន្យល់ លោក ដូណាល់ត្រាំ រួចហើយ អំពីជម្រើសនៃការប្រើកងទ័ពធ្វើសង្គ្រាមប្រឆាំងកម្មវិធីអាវុធនុយក្លេអ៊ែរ របស់កូរ៉េខាងជើង។
លោក McMaster បានប្រាប់ CNN ថា លោកនឹងពន្យល់ទៅលោកត្រាំនៅថ្ងៃពុធសប្ដាហ៍ក្រោយ ។លោក ថា ជម្រើសយោធា គឺជាការចាំបាច់បើក្រុងព្យុងយ៉ាងនៅបន្តអនុវត្តការបាញ់សាកល្បងអាវុធនុយក្លេអែរ។
យោងតាមរដ្ឋធម្មនុញ្ញអាមេរិកប្រធានាធិបតីមានអំណាចប្រកាសសង្គ្រាម ឬក៏វាយប្រហារលើប្រទេសណាមួយដោយគ្រាន់តែជូនដំណឹងទៅសភា និងព្រឹទ្ធសភា ។ ប៉ុន្ដែសង្គ្រាមបែបនេះគឺប្រធានាធិបតីត្រូវទទួលខុសត្រូវផ្ទាល់ចំពោះមុខច្បាប់ និងប្រវត្តិសាស្ដ្រអាមេរិក ។
យ៉ាងណាក៏ដោយសភា និងព្រឹទ្ធសភា ឱ្យប្រធានាធិបតីផ្អាកសង្គ្រាមវិញដែរ ប្រសិនបើសភាទាំងពីរមូលមតិជាឯកច្ឆ័ន បញ្ចប់ស្ថានភាពសង្គ្រាមនៅតំបន់ណាមួយនោះ។ សហរដ្ឋអាមេរិកបានបញ្ចូននាវាចម្បាំងធំៗ ចំនួន ៣គ្រឿងរួចទៅហើយ ទៅកាន់ឧបទ្វីបកូរ៉េស្របពេលដែលអាមេរិកមានកងទ័ពនៅលើទឹកដីកូរ៉េខាងត្បូង ៣ម៉ឺននាក់ និងយន្ដហោះចម្បាំងទំនើបៗ រាប់សិបគ្រឿង៕
