ស្របពេលការប្រឡងទុតិយភូមិកំពុងប្រព្រឹត្តទៅនៅថ្ងៃចន្ទទី២៤ និងថ្ងៃអង្គារទី២៥ ខែសីហា ឆ្នាំ២០១៥ កន្លងមកថ្មីៗនេះ អាណាព្យាបាលសិស្សមួយចំនួន ព្រួយបារម្ភចំពោះចំណាត់ការរបស់ក្រសួងអប់រំ ក្នុងការរឹតបន្តឹងការប្រឡងឆ្នាំនេះ។ ប៉ុន្តែអាណាព្យាបាលសិស្សភាគច្រើន ដែលឈរនៅក្បែររបងសាលា រង់ចាំកូនចៅចេញពីប្រឡង បានបង្ហាញអារម្មណ៍រីករាយនិងសាទរ ចំពោះចំណាត់ការរឹតបន្តឹងរបស់ក្រសួងអប់រំដែរ។
បើតាមការឲ្យដឹងពីអាណាព្យាបាលសិស្សទាំងនោះ មូលហេតុដែលពួកគាត់សាទរចំពោះចំណាត់ការរបស់ក្រសួងអប់រំ ដោយសារតែពួកគាត់យល់ថា វិធានការរបស់ក្រសួងអប់រំជាវិធានការល្អ បានធ្វើឲ្យកូនចៅរបស់ពួកគាត់យកចិត្តទុកដាក់ទៅលើការសិក្សា និងខំរៀនជាងមុន។
ទន្ទឹមនឹងការលើកឡើងរបស់អាណាព្យាបាលសិស្សនេះដែរ បេក្ខជនដែលចូលរួមប្រឡងនៅឆ្នាំនេះ បានលើកឡើងថា ការប្រឡងបាក់ឌុបតឹងជាងឆ្នាំមុនៗ មានអ្នកខ្លះអាចធ្វើបាន និងអ្នកខ្លះទៀតក៏មិនអាចធ្វើបាន។
ចង់ជ្រាបព័ត៌មាននេះ កាន់តែច្បាស់ សូមអញ្ជើញស្ដាប់បទយកការណ៍ដែលរៀបចំឡើងដោយកញ្ញាជុំ ជោគជាតា៖
