ភ្នំពេញ ៖ លោក ហូ វ៉ាន់ អនុប្រធានគណបក្សសង្គ្រោះជាតិ បានប្រកាសឱ្យមេឃុំចៅសង្កាត់របស់ខ្លួនទាំង ៥៧ សង្កាត់ ក្នុងរាជធានី ភ្នំពេញ មិនត្រូវប្តូរឈ្មោះដើមរបស់ខ្មែរកម្ពុជាក្រោមនោះទេ ពេលពួកគេមកធ្វើសៀវគ្រួសារ សំបុត្រកំណើត និងលិខិតស្នាម ផ្សេងៗ។
ការប្រកាសរបស់លោក ប៉ុល ហំម ធ្វើឡើងក្នុងពិធីរំលឹកខួបលើកទី ៦៨ឆ្នាំ នៃថ្ងៃអាណានិគមបារាំងកាត់ទឹកដីខ្មែរកម្ពុជា ក្រោមអោយវៀតណាម កាលពីឆ្នាំ ១៩៤៩ នៅវត្តពោធិយារាម ហៅវត្តចាស់ រាជធានីភ្នំពេញ។
លោក ហូ វ៉ាន់ លើកឡើងថា កន្លងមកព្រះសង្ឃ និងពលរដ្ឋខ្មែរកម្ពុជាក្រោមតែងជួបប្រទះបញ្ហាការធ្វើលិខិតស្នាមផ្សេងៗ ដោយអាជ្ញាធរឃុំសង្កាត់តម្រូវឱ្យពួកគេប្តូរឈ្មោះដើម ដែលជាឈ្មោះកម្ពុជាក្រោម មកដាក់ឈ្មោះដែលខ្មែរធម្មតាវិញ។ លោកបន្តថា ការរឹតត្បឹតបែបនេះគឺជាការអើងអើសពីសំណាក់អាជ្ញាធរដែនដី មកលើខ្មែរក្រោម។
កាលពីថ្ងៃទី ០៤ មិថុនា ឆ្នាំ ១៩៤៩ បារាំងបានកាត់ទឹកដីកម្ពុជាក្រោមចំនួន ២១ ខេត្តឱ្យទៅវៀតណាម។ ពលរដ្ឋខ្មែរកម្ពុជា ក្រោមដែលរស់នៅទីនោះ ជារឿយៗតែងតែរងការរឹតត្បឹតសេរីភាពពីអាជ្ញាធរវៀតណាម ក្នុងការប្រើប្រាស់សិទ្ធិគោរព ប្រពៃណី សាសនា ការរៀនសូត្រ ជាដើម។
